https://www.innews.az/uploads/news/2026-01/_innews_685d4405d8dba34345ae7a92c_o.jpg
“Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2028-ci illər üçün Dövlət Proqramı” çərçivəsində 2024–2025-ci tədris ili üzrə xaricdə təhsil alacaq gənclərin siyahısı açıqlanıb. Siyahıya ümumilikdə 500 nəfər daxil edilib və onlar dünyanın ən nüfuzlu ali təhsil müəssisələrində təhsil alacaqlar.
Xaricdə dövlət hesabına təhsil alacaq gənclərdən biri də Nəriman Kərimlidir. O, hazırda Peşə Təhsili üzrə Dövlət Agentliyinin mətbuat katibi vəzifəsində çalışır və ABŞ-ın Minnesota Universitetində təhsil alacaq.
Nəriman Kərimli bakalavr təhsilini Azərbaycan Respublikasının Prezidenti yanında Dövlət İdarəçilik Akademiyasında alıb. O, 2012-ci ildə ali məktəblərə qəbul imtahanlarında 661 bal toplayaraq, təxminən 100 min abituriyent arasında ilk 100 nəfər sırasında yer alıb. Bu yüksək nəticəsinə görə Azərbaycan Respublikası Prezidentinin təqaüdünə layiq görülüb.
Nəriman Kərimli peşə təhsili sahəsində kommunikasiya və ictimaiyyətlə əlaqələr istiqamətində həyata keçirdiyi fəaliyyəti ilə də tanınır. Onun rəhbərliyi ilə peşə təhsili sistemində məlumatlandırma və maarifləndirmə kampaniyaları həyata keçirilib, media ilə sistemli əməkdaşlıq qurulub, regionlarda genişmiqyaslı tədbirlər təşkil olunub. Bu fəaliyyətlər nəticəsində peşə təhsili müəssisələrinə qəbul göstəricilərində və ictimai maraqda nəzərəçarpacaq artım müşahidə edilib.
O, həmçinin peşə təhsilinin cəmiyyətə daha effektiv şəkildə təqdim olunması məqsədilə kommunikasiya strategiyalarının hazırlanmasında, beynəlxalq təşkilatlarla birgə həyata keçirilən layihələrin ictimaiyyətə çatdırılmasında və gənclərin peşə təhsilinə cəlb olunmasına yönəlmiş təşəbbüslərin təşviqində fəal iştirak edib.
İlkin Mədətov
Ən son xəbərləri səhifəmizdən də izləyin
