Beynəlxalq Muzeylər Günündə Mirzə Qədim İrəvaniyə həsr olunmuş guşə təqdim edilib

18 May – Beynəlxalq Muzeylər Günü çərçivəsində, 2025-ci ildə anadan olmasının 200 illiyi qeyd olunan görkəmli Azərbaycan rəssamı Mirzə Qədim İrəvaniyə həsr olunmuş xüsusi guşə ziyarətçilərin ixtiyarına verilib.

Tədbir çərçivəsində rəssamın yaradıcılıq prosesi interaktiv şəkildə canlandırılıb, onun zəngin irsi ilə daha yaxından tanış olmaq imkanı yaradılıb. Guşənin əsas diqqət mərkəzində isə İrəvaninin sənətində mühüm yer tutan və onun tanınmış əsərlərindən biri hesab olunan "Mah Tələt xanımın portreti" əsası əsasında yaradılmış fotozona olub.

Ziyarətçilər bu guşədə həm müəllifin sənət dünyasına səyahət edib, həm də fotozonda xatirə şəkilləri çəkdirərək unudulmaz təəssüratlar yaşayıblar.