İRİA rəqəmsal sənədlərdən istifadə ilə bağlı yeni videoçarx yayımlayıb - VİDEO

İnnovasiya və Rəqəmsal İnkişaf Agentliyi “mygov” platforması ilə bağlı yeni videoçarx yayımlayıb. Çarxda rəqəmsal sənədlərdən istifadə imkanları və “mygov”un vətəndaşlara təqdim etdiyi üstünlüklər ön plana çəkilib.

Təqdim olunan videoçarxda vətəndaşların gündəlik həyatında, xüsusilə də onların ən vacib anlarında sənədlərə operativ və etibarlı çıxışın əhəmiyyəti vurğulanır. Rəqəmsal sənədlərin istifadəsi bu prosesləri sadələşdirir və vaxt itkisini minimuma endirir.

Xatırladaq ki, “mygov” platforması vasitəsilə vətəndaşlar şəxsiyyət vəsiqəsi də daxil olmaqla, bir sıra rəsmi sənədləri artıq rəqəmsal formada təqdim edə və istifadə edə bilirlər.