https://www.innews.az/uploads/news/2025-04/_innews_3b5b7941a615bc1b38e724b4b_o.jpg
Son günlər Şərurlu İsfəndiyar ləqəbi ilə tanınan iş adamı İsfəndiyar Axundovun müsahibəsi gündəmdədir. Qınayanlarda, fikirlərini və dediklərini bəyənənlər də var. İnanıram ki, İsfəndiyar müəllimi çox az adam tanıyır. Mən daha əvvəldən onun gördüyü işlər haqqında eşidib haqqında kiçik bir araşdırma aparmışdım ki, bu araşdırma nəticəsində bu insanın neçə sadə olduğunu görmüşdüm. İsfəndiyar Axundov – sadəcə bir iş adamı deyil, xalqın qəlbində özünəməxsus iz qoymuş, insanların duasını, sevgisini qazanmış bir insan obrazıdır. “Şərurlu İsfəndiyar” adı bu gün təkcə tikinti sektorunun zirvəsində deyil, həm də xeyirxahlığın, sadəliyin və səmimiyyətin timsalı kimi tanınır.
O, çox varlı ola bilər, amma heç vaxt var-dövlətə aldanmayıb, öz köklərinə, sadə xalqla olan bağlarına sadiq qalıb. O qədər böyük imkanlara sahib olduğu halda, “çobanam” deməkdən çəkinməyən, özünü hər zaman xalqdan biri hesab edən bu insan, təvazökarlığın canlı nümunəsidir. Bu gün bu sözləri dilə gətirmək bu mövqedə dayanan bir insan üçün heç də asan deyil. Çox adam gəldiyi yeri unudub şəhər həyatına assimilyasiya olmağa, özünü şəhərli kimi, ailədən elit və zadəgan kimi qəbul etdirməyə çalışır cəmiyyətə. Lakin İsfəndiyar müəllim ailədən gördüyünü, uşaqlıqda çəkdiyi əziyyətləri hələ də unutmayıb və dilə gətirməkdən də çəkinmir. Onun hardan gəldiyini unutmaması və dilə gətirməsi çoxları üçün mativasiyadır. Biz sevinməliyik ki, Azərbaycanda da 0-dan başlayan və bu yerə çatan ən əsası çatdığı yerin haqqını verən və gəldiyi yeri unutmayan bir xeyriyyəcimiz var.
İsfəndiyar bəyin səmimiyyəti, onun danışığında, baxışlarında, insanların dərdinə qulaq asmaq tərzində aydın sezilir. O, insanlara yuxarıdan baxmayan nadir iş adamlarındandır. Hər bir insana “qardaş” gözü ilə baxmağı bacaran, ehtiyac içində olanların səsini eşidən, onların köməyinə ilk çatan insanlardandır.
Ən diqqət çəkən xüsusiyyətlərindən biri də – əlindən gələn yardımı gizlincə etməkdir. Bugün ediləcək çətin işlərdən biri də budur. İnsanların yardım sifətinin arxasında dayanan reklam məqsədi İsfəndiyar müəllimin xasiyyəti deyil. Reklam xətrinə deyil, Allah rizası üçün etdiyi xeyirxahlıqlar bu gün yüzlərlə ailənin dua səbəbidir. O, təkcə binalar tikmir – ümid tikir, inam tikir, bir çoxlarının həyatı üçün yeni səhifələr açır.
İsfəndiyar Axundov kimi insanlar cəmiyyətin mənəvi dayaqlarıdır. Onun səmimiyyəti, insana verdiyi dəyər, təmiz qəlbi və sonsuz xeyirxahlığı onu milyonların gözündə əvəzolunmaz edir.
Ayhan Ağarzayev
Ən son xəbərləri səhifəmizdən də izləyin
