https://www.innews.az/uploads/news/2025-03/_innews_bc11aef5f66cde405f101680e_o.jpg
Norveçin Oslo şəhərində fəaliyyət göstərən Nizami Gəncəvi adına həftəsonu ana dili məktəbinin şagirdləri ilə Bakı şəhəri Nizami rayonundakı 220 saylı lisey-məktəbin şagirdləri arasında Novruz bayramı münasibətilə ortaq təbrik hazırlanıb.
Bu təşəbbüs çərçivəsində hər iki məktəbin şagirdləri Novruzun dəyərlərini, baharın gəlişini və xalqımızın ənənələrini əks etdirən bayram mesajları səsləndiriblər. Təbrik videosunda şagirdlər Novruzun əsas rəmzləri – səməni, yumurta boyama, tonqal və xalq oyunları barədə danışıblar, şeirlər söyləyiblər.
Bu layihə Azərbaycan mədəniyyətinin və milli bayramlarımızın gənc nəsillər arasında təbliğinə xidmət etməklə yanaşı, beynəlxalq dostluq əlaqələrinin də möhkəmlənməsinə töhfə verib.
Ən son xəbərləri səhifəmizdən də izləyin
