Maarifləndirmə seminarlarını uğurla başa vuran mediatorlara sertifikatlar təqdim edildi

UNICEF-in Azərbaycan Respublikasındakı nümayəndəliyi, Ədliyyə Akademiyası, Mediasiya Şurası və Ümidli Gələcək Sosial Təşəbbüslər İctimai Birliyinin əməkdaşlığı ilə "Mediasiyada Uşaqlar: Uşaqların hüquqlarının qorunması, müdafiəsi, düzgün yanaşmanın istifadəsi və uşaqlara qarşı zorakılığın önlənməsi” üzrə təlimlərin ilkin mərhələsi başa çatıb.

innews.media xəbər verir ki, təlimi uğurla başa vuran mediatorlar sertifikatla təltif olunublar.

Seminar iştirakçıları Azərbaycan Respublikasının ərazi bütövlüyü uğrunda gedən döyüşlərdə həlak olmuş əsgər və zabitlərimizə, qətlə yetirilən mülki vətəndaşlarımızın xatirəsinə ehtiram əlaməti olaraq onların ruhunu bir dəqiqəlik sükutla yad ediblər.