https://www.innews.az/uploads/news/2025-03/_innews_65a6976017be33b5dfb806b7e_o.jpg
Bu gün Fövqəladə Hallar Nazirliyinin (FHN) "112" qaynar telefon xəttinə Abşeron rayonu, Xırdalan şəhərində yerləşən iaşə obyektində yanğın baş verməsi barədə məlumat daxil olub. Dərhal əraziyə FHN-in Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb edilib.
FHN qüvvələrinin səyi nəticəsində yanğın məhdudlaşdırılıb. Yanğının mürəkkəbliyinə və ərazidə şəxsi avtomobillərin nizamsız park edilməsi səbəbindən yanğınsöndürən texnikaların hadisə yerinə, eləcə də yanğın su hovuzuna sərbəst yaxınlaşmasında yaranan çətinliklərə baxmayaraq, yanğından mühafizə bölmələrinin peşəkarlığı sayəsində yaxınlıqdakı obyektlər, o cümlədən yaşayış binası yanğından qorunub.
Hazırda yanğının tam söndürülməsi və hadisənin səbəblərinin araşdırılması istiqamətində əməliyyat davam etdirilir.
Ən son xəbərləri səhifəmizdən də izləyin
