https://www.innews.az/uploads/news/2025-02/_innews_8d079a84feb40389340522b52_o.jpg
26 Fevral - Xocalı Soyqırımı ilə əlaqədar Əbədi Birlik Gənclər İctimai Birliyinin təşkilatçılığı ilə "Xocalıya Ədalət: Tarixi Unutma, Gələcəyi Qoru!" adlı tədbir keçirilib.
Tədbirdə çıxış edən Xüsusi qonaqlar 13 dildə nəşr olunan “ Xocalı: Şahidlər Danışır ” kitabının müəllifi, tarix üzrə fəlsəfə doktoru İradə Əlili, Qarabağ qaziləri - Tutu ləqəbi ilə tanınan Rüxsarə Cumayeva, Oruc Cabbarov, Xocalı şahidləri - Eldəniz Ağayev, Sevinc Vəliyeva, Ayna Allahyar qızı , ehtiyatda olan Polkovnik-leytenant Nizami İsrafilov, “Əbədi Birlik” Gənclər İctimai Birliyinin sədri Şahin Əliyev, və digərləri 1992-ci il fevralın 26-da erməni terrorçuları tərəfindən Xocalıda törədilən soyqırımından danışıblar.
Natiqlər Xocalı Soyqırımı zamanı öz şahidi olduğu hadisələri gənclərlə paylaşıb, tarixi unutmayıb gələcəyi möhkəm qurmalı olduqlarını bildiriblər. Çıxış edənlər vurğulayıblar ki, Müzəffər Ali Baş Komandan cənab İlham Əliyevin rəhbərliyi ilə rəşadətli Azərbaycan Ordusu tərəfindən 44 günlük Vətən müharibəsində bütün şəhidlərimizin və Xocalı soyqırımı qurbanlarının qisası döyüş meydanında alındı.
Sonda Şahin Əliyev tərəfindən İradə Əlili “Şərəfli Xidmət” Mükafatı və rəssam Nizami Huseynovun çəkdiyi “Xocalı” rəsm əsəri, Xocalı Şahidləri və “Qanlı Gecə: “Xocalının Səsi Dünyaya Yayılsın”” Süni İntellektlə dizayn müsabiqəsinin qalibləri isə Xüsusi təşəkkürnamə ilə təltif olunub.
İradə Əlili tərəfindən də ictimai fəaliyyətinə görə Şahin Əliyev Fəxri Fərman ilə təltif edilib.
.jpeg)
.jpeg)
.jpeg)
Ən son xəbərləri səhifəmizdən də izləyin
