https://www.innews.az/uploads/news/2025-02/_innews_3dc127ce89e0b091cf71ce846_o.jpg
“Səma xanımı” filmi, Qafqazın və Yaxın Şərqin ilk təyyarəçi qadını Leyla Məmmədbəyovaya həsr olunub. O, Azərbaycanın ilk təyyarəçi qadını olmaqla yanaşı, həmçinin SSRİ-nin ikinci qadın paraşütçülərindən biri kimi də tanınıb.
Film Azərbaycan Televiziyası, “Azərbaycan Hava Yolları” QSC və Ailə, Qadın, Uşaq Problemləri üzrə Dövlət Komitəsinin dəstəyi ilə ərsəyə gətirilib.
Qeyd edək ki, filmin təqdimatı 14 yanvar Nizamı Kino Mərkəzində keçirilib.
Film əzmlə mübarizə aparan, xüsusi peşəkarlıq göstərərək hava gəmisinin göyərtəsində olan 30-a yaxın insanın həyatını xilas edən və qəhrəmancasına həlak olan AZAL-ın Aktau şəhəri yaxınlığında qəzaya uğramış “Embraer 190” təyyarəsinin ekipaj üzvlərinə ithaf olunub.
Fevralın 2-si AzTV-nin efirində yayımlanan “Səma xanımı” filmini artıq AzTV-nin sosial media hesablarında da izləyə bilərsiniz.
Ən son xəbərləri səhifəmizdən də izləyin
