Sosial Ödənişlərdə Artım: Ötən il 8,8 milyard manat ödənildi

Ötən il pensiya, müavinət, təqaüd, ünvanlı yardımlar üzrə əvvəlki ilə nisbətən 844 mln. manat çox olmaqla 8 mlrd. 846 mln. manat ödənilib

Sosial təminat sisteminin mütəmadi gücləndirilməsi, sosial ödənişlərdə ardıcıl artım dinamikası pensiya, müavinət, təqaüd, ünvanlı yardımlar üzrə ayrılan vəsaitlərin ötən il də əhəmiyyətli artması ilə nəticələnib.

2024-cü ildə Əmək və Əhalinin Sosial Müdafiəsi Nazirliyi tərəfindən pensiya, müavinət, təqaüd, ünvanlı yardımlar üzrə əhaliyə 8 mlrd. 846 mln. manat ödənilib ki, bu da əvvəlki ilə nisbətən 844 mln. manat (10,6 faiz) çoxdur.