https://www.innews.az/uploads/news/2024-12/_innews_08356121d355e158ae949f424_o.jpg
16-20 dekabr tarixlərində Azərbaycan Respublikası Elm və Təhsil Nazirliyi, Azərbaycan Respublikası Mədəniyyət Nazirliyi, Bülbül adına Orta İxtisas Musiqi Məktəbinin təşəbbüsü və təşkilatçılığı ilə Kövkəb Səfərəliyeva adına Violin ifaçılarının I Beynəlxalq Musiqi Festivalı keçirildi.
Müsabiqənin keçirilməsinin əsas məqsədi klassik musiqinin təbliği, gənc istedadlı musiqiçilərin tapılıb beynəlxalq arenaya çıxmasına kömək etmək, ifaçılıq sənətinin ən yaxşı yerli ənənələrini qorumaq, inkişaf etdirmək, peşəkarlıq səviyyəsini yüksəltməkdir.
Festvalın münsiflər heyətinə sədr dövrümüzün görkəmli skripkaçıları Tiziano Rosetti İsveçrə Musiqi Akademiyasının professoru; P.İ.Çaykovski adına Moskva Konservatoriyasının fəxri artisti ; Astana (Qazaxıstan) Akademiyasının professoru; Yerusəlim (Qüds) Konservatoriyasının professoru; “Jerusalem Seasons” festivalının təsisçisi və direktoru professor Robert Kanetti ( İsrail) dəvət edilmişdir.
19 dekabr Azərbaycan Dövlət Akademik Filarmoniyasının Kamera və Orqan Musiqisi zalında iştirakçılara diplomların təqdim olunması və qaliblərin ifasında konsert proqrmı keçirildi.
Tədbiri açan müsabiqənin təşkilat komitəsinin sədri Xalq artisti, Bülbül adına Orta İxtisas Musiqi Məktəbinin direktoru Teymur Göyçayev müsabiqə haqqında tamaşaçılara məlumat verərək qeyd etdiki, keçirilən müsabiqəyə dünyanın bir çox ölkələrindən (İsrail,Polşa,Hindistan,Qazaxıstan, Azərbaycandan) 15 iştirakçı qatılaraq çıxışlar etmiş və müsabiqə günlərində professor Robert Kanetti və professor Bella Konetti tərəfindən şagirdlərə ustad dərsləri keçirilmişdir. Müsabiqənin sədri Robert Konetti keçirilən müsabidən məmun qaldığını gələcəkdə də bu dostluq münasibətlərinin davam etdiriləcəyini vurğuladı.
Tədbir qaliblərin konsert proqramı ilə başa çatdı.
Ən son xəbərləri səhifəmizdən də izləyin
