https://www.innews.az/uploads/news/2024-12/_innews_4233e36fb4b96cdee412e0fd6_o.jpg
“Əvvəllər məni seriallardakı qeyri-etik ifadələr narahat edirdi. Sonra bir neçə serial izlədim. Daha doğrusu “Çukur”a baxdım. Gördüm ki, orada söyürlər, üstündən də siqnal verilir. Burada bir şey yoxdur. Ola bilər ki, aktyora təbii oynaması üçün təkan verir”.
innews.media xəbər verir ki, bu sözləri jurnalist Pərviz Hüseynin təqdimatında yayımlanan “Pərvizə görə” layihəsində Xalq artisti Qurban İsmayılov deyib.
O, “Vətəndaş A” serialından və müzakirə olunan qeyri-etik ifadələrdən söz açıb:
“Kitab sözü ilə yox, orada həyatda işlənilən söz artırılanda ona daha rahat olur. Burada problem yoxdur. Siqnal qoyulursa, nə problem var ki? Onu da deməyəndə tamaşaçılar başlayırlar ki, aktyorlarımız sünidir. Biz nə edək? Bunu edirik, deyirlər ki, olmaz. Etməyəndə də deyirlər, aktyorlarımız sünidir. Əziz tamaşçılar, siz deyin, biz nə edək? Bizi bağışlamaq olarmı? Bizim xalq kitab oxuyan olmadığı üçün bədii cümlələrlə danışanda onlara süni gəlir. Belə də danışanda bəziləri deyir ki, etika filan. Burada da 5-ci seriyaya qədər baxanlar deyirlər ki, dinə qarşı gedirlər, heç bir müsəlman müsəlmana şər atmaz. Biz bu qədər əziyyət çəkib serialı ərsəyə gətirmişik. Dindən öz mənafeyi üçün istifadə edən adamlara qarşı burada söhbət var. O ki qaldı, orada “Təkamül nəzəriyyəsi” ilə bağlı səhnə var. Deyirlər ki, bu nəzəriyyə guya ki, Avropada, ya da başqa ölkələrdə dərslikdən yığışdırılıb. Elə şey yoxdur. Hətta ötən əsrdə də bu məsələ məhkəməyə gedib çıxıb. Avropada bununla bağlı məhkəmə proseslərinə “meymun prosesləri” deyilir. Burada da göstərilir ki, təkamül nəzəriyyəsi tək demir ki, insan meymundan əmələ gəlib. Ümumi canlılardan danışılır və bildirilir ki, bütün canlıların bir əjdadı var, bir əjdaddan əmələ gəliblər. Ümumilikdə Almaz demir ki, insan meymundan əmələ gəlib. Digər müəllim onun boynuna qoyur. Serialda çəkilənlər də, çəkənlər də gündə 10, 100 dəfə Allahın adını çəkənlərdir”.
Ən son xəbərləri səhifəmizdən də izləyin
