https://www.innews.az/uploads/news/2024-11/_innews_9123e2cf9bc22ff2b69749789_o.jpg
Azərbaycan beynəlxalq tədbirlərə ev sahibliyi etmək sahəsində zəngin təcrübəyə malikdir.
Ev sahibliyi etdiyi tədbirlər ölkənin behnəlxalq, mədəni,idman və iqtisadi sahələrini inkişaf etdirmişdi. Bu tədbirlər həm də Azərbaycanın zəngin mədəniyyətini və müxtəlifliyini dünyaya tanıtmağa şərait yaradır. Bu beynəlxalq tədbirlərdən sonuncusu da Cop29dur. Bu tədbir yalnız ekoloji məsələlərin müzakirəsi üçün deyil, həm də Azərbaycanın beynəlxalq səviyyədə liderlik ambisiyalarını təsdiqləmək üçün tarixi bir platforma olacaq. Bəs cop29 nədir? Cop iqlim dəyişikliyi ilə mübarizə aparmaq və qlobal istiləşmənin qarşısını almaq məqsədilə keçirilən illik beynəlxalq tədbirdi. Azərbaycan tərəflər konfransının bu ilin noyabrında keçirilən 29-cu ssesiyasına sədrlik etdi. Paytaxt Bakı 15 min rəsmi nümayəndə, 10 minə yaxın media işçisi və 45 mindən çox turist olmaqla, ümumilikdə 70 mindən çox iştirakçını qarşıladı.
COP29-a Azərbaycanın ev sahibliyi etməsi ilə bağlı qərar 2023-cü ilin dekabrında təxminən 200 ölkənin iştirak etdiyi tədbirdə verilib. COP29 çərçivəsində erməni işğalından azad edilmiş Cəbrayılda 240 meqavatlıq Günəş enerjisi stansiyasının təməli qoyuldu. Tikilməsi ilə bağlı saziş imzalanacaq. Bu layihə sayəsində dünyanın ən iri neft və qaz terminallarından biri olan Səngəçal terminalında dekarbonlaşma təmin ediləcəkdir. Bakıda keçirilən COP29 Azərbaycanın beynəlxalq aləmdə iqlim məsələlərində mövqeyini Gücləndirmək üçün tarixi fürsət oldu. Konfrans həm də ölkədə ekoloji siyasətin inkişafına, yaşıl enerji təşəbbüslərinin irəliləməsinə və qlobal maliyyə dəstəyi əldə edilməsinə təkan verdi. Bakı iqlim tədbirlərində beynəlxalq diqqətin mərkəzinə çevrildi. Azərbaycan həm neft-qaz ixracatçısı, həm də “yaşıl enerji zonası” layihələri ilə iqlim dəyişiklikləri sahəsində irəliləyiş nümayiş etdirdi. İqlim dəyişikliklərinin təsirlərinə qarşı daha çox dəstək almaq üçün inkişaf etməkdə olan ölkələrə, o cümlədən Azərbaycana yönəlik “İtki və Zərər Fondu”nun maliyyələşdirilməsi ilə bağlı müzakirələr aparıldı. Bu fond vasitəsilə inkişaf etməkdə olan ölkələrin iqlim fəlakətlərinə uyğunlaşması üçün əlavə maliyyə yardımları nəzərdə tutulur. Konfrans zamanı müəyyən olundu ki, mövcud iqlim öhdəlikləri qlobal istiləşməni 1.5°C-də saxlamaq üçün kifayət deyil. Beləliklə, iştirakçı ölkələr, o cümlədən Azərbaycan, öz iqlim strategiyalarını təkmilləşdirməyə çağırıldı. COP29 zamanı adaptasiya tədbirləri üçün maliyyə boşluğunun azaldılması və inkişaf etməkdə olan ölkələrə daha çevik maliyyə dəstəyinin göstərilməsi məqsədilə yeni planlar hazırlanması razılaşdırıldı. Məqsəd 2025-ci ilə qədər adaptasiya maliyyəsini iki dəfə artırmaqdır.
Mehriban Yariyeva
Ən son xəbərləri səhifəmizdən də izləyin
