https://www.innews.az/uploads/news/2024-11/_innews_d338075eb17626bc495be2c48_o.jpg
Aktrisa Pərvin Abıyeva əvvəlki kimi dekolteli geyinmədiyini deyib.
innews.media xəbər verir ki, bu barədə o, jurnalist Pərviz Hüseynin təqdimatında yayımlanan “Pərvizə görə” layihəsində danışıb.
O bildirib ki, açıq-saçıq geyinməyin də vaxtı var:
“Düşünürəm ki, hər şeyin bir dönəmi, edəcəyinin bir zamanı var. Misal üçün geyim. Yəni açıq-saçıq və dekolte geyinməyin bir zamanı var. İndi mən əvvəlki kimi geyinmirəm. Burada qadağan söhbət getmir. Heç kim heç zaman mənə geyimimlə bağlı qadağa qoymayıb. Bunu mən yaşla əlaqələndirirəm. Yaş artıqca, insan biraz da müdrükləşir. Bəzi şeyləri etmək istəmirsən. Əvvəllər çılğın yaşda idim, çox gənc idim. O yaşda açıq-saçıq geyimlər mənə yaraşırdı. İndi o yaşda geyindiyim geyimləri geyinə bilmirəm. O vaxt etdiyim paylaşımları indi paylaşa bilmirəm. O zamanlar bikinidə fotolarımı paylaşa bilirdim. İndi isə onları edə bilmirəm. 34 yaşım var. Bu isə az yaş deyil. Məncə qadın 30 yaşdan sonra daha da müdrikləşir, xasiyyəti oturuşur, nə istədiyini bilir. 4 ildən çoxdur ki, çimərliklərə getmirəm. Hər kəsin olduğu yerlərdə olmuram. Ancaq evimdə dincəlirəm. Əvvəl görə bilmədiyim şeyləri indi daha yaxşı görürəm. İstər insanlarda, istərsə də özündə... Mən köhnə dostlarımdan, çox insanlardan uzaqlaşmışam. Hər ad günümdə dostlarımın sayı daha da azalır. Demirəm ki, onlar pis insanlardır və buna görə onlardan uzaqlaşmışam. Sadəcə əvvəlki kimi kafeler, restoranlar, şəhəri gəzmək kimi şeylər məni maraqlandırmır və meylimi çəkmir”.
Ən son xəbərləri səhifəmizdən də izləyin
