https://www.innews.az/uploads/news/2024-11/_innews_53fe7f07a6597b5ed71c0ad2a_o.jpg
“Psixologiya bərabərdir travma” bu ifadəni o qədər şişirdiblər ki, bunu dilimə belə gətirməkdən ərinirəm. Amma travma sözü nədir? Həmin anda başın harasa dəydi və yəxud da həyatında hər hansı bir hadisə baş verdi demək deyil. O hadisədən sonrakı prosesdə özünü necə idarə etməyindir. Sənin sonrakı həyatına necə təsir eyməyidir”.
innews.media xəbər verir ki, bu sözləri klinik psixoloq Nur Daşdəmirli dizayner Aynur Xəlilovanın yutubda yayımlanan “Hərşeyşünas” podkastında səsləndirib. Qonaq gələcəkdə valideyn olmağa hazırlaşan cütlüklərə övlad sahibi olarkən doğru bildiyimiz yanlışlardan da bəhs edib:
“Vlideynlər 0-6 yaş aralığı uşaqların yanında, onlara bir növ heykəl, əşya hətta bəzən heyvan kimi davranırlar. Onun yanında istədiyi cür əxlaqsızlıq edirlər, elə düşünürlər ki, uşaq başa düşmür. Sonra da uşaqdan normal bir düşüncə sahibi olmağını gözləyirlər. Ana uşağı 6 aya qədər yanındakı çarpayıda yatızdıra bilər. 6 aydan sonra isə mütləq sürətdə öz otağında olmalıdır. Əsasda bu oğlan övladı üçün şamil olunur. “Madonna” sindromunun altında yatan səbəblərdən biri də elə budur. Ailədə qadınların müqəddəsləşdirilməsinə “Madonna” sindromu deyilir. Burada söhbət bizim bildiyimiz müğənni Madonnadan getmir. Ziqmunt Freydin nəzəriyyəsinə əsasən, Məryəm ana mənasını verir. Ana, vaxtında uşağı yanından ayırmır, davamlı olaraq ona sevgi, şəfqət verir. Amma bir müddət sonra göbək bağından necə qopursan eləcə də bundan qopmalıdır, azadlığın nə olduğunun fərqinə varmalıdır və aşırı verilən o sevgi, qayğı yetinməzliyə gətirib çıxarır. Bax elə bu doyumsuzluğa görə həyatında seçdiyi növbəti qadını ana rolunda görməyə başlayır. Buna psixologiyada ayna deyirlər. Araşdırmalar bunu göstərir ki, uşaq 0-6 ay arası yanımızda olur, daha sonra isə onun özünə aid bir otağı olmalıdır.
Yataq otağımız bizim özəl məkanımızdır. Orada hər hansı bir müqəddəs şəkil, kitab, ölmüş valideynlərimizin şəkili olmaz. Ölmüş ana-ata şəklinin önündə hansı sağlam cinsi münasibətdən danışa bilərik?”
Ən son xəbərləri səhifəmizdən də izləyin
