Elşad Miri: “Gender mövzusu sonradan cəmiyyətdə formalaşır” - VİDEO

“Uşaq dünyaya gələndə gender mövzusu ilə bağlı bir anlayışı olmur. Bu, sonradan formalaşır. Yaşadığı cəmiyyət, bəzi şeylərə etirazın nəticəsində bu trans məsələsi həyata keçirilir".

innews.media xəbər verir ki, bu sözləri dinşünas və ilahiyyatçı Elşad Miri dizayner Aynur Xəlilovanın yutubda yayımlanan "Hərşeyşünas" podkastında qonaq olarkən söyləyib.

"Ənənəvi din anlayışında belə bir şey var, daş-qalaq etmək, amma Quranda bu, yoxdur. Bu, yəhudilikdə var. Yəhudilikdə olan bir məsələni Quranda olmayan bir məsələyə calaşdıraraq, bunu islamlaşdıraraq, dini don geyindirərək insanlara təqdim ediblər. Əgər bir insan həqiqətən özü qəbul edib və transdır, nədir və s. İslam dini onun əməllərinə baxır.

Əgər bu adam həqiqətən insan olaraq Allahın buyruqlarına görə yaşayırsa, kim qaranti verə bilər ki, bu cəhənnəmlikdir, ya cənnətlikdir? Sənin cənnətdə yerinin azmı edir və yaxud da sən özün cənnətə gedəcəyinin zəmanətini haradan alırsan? İnsan bu günləri həqiqətən çalışır ki, gözəl insan olsun, yaxşı hərəkətlər etsin, canlılara ziyan vurmasın.

Allahın da istədiyi bu deyil? İnsanın doğru və yanlış seçiminə görə niyə onun əvəzinə qərar verirsən? Allahın yerinə niyə hər hansı bir hökmü həyata keçirmək istəyirsən?

Quranda bununla bağlı “haramdır” deyə bir ifadə yoxdur. Bu onların verəcəyi bir qərardır. Peyğəmbərlərin belə ixtiyarları olmayıb ki, nəyəsə halal və ya haram desinlər", -deyə fikirlərinə aydınlıq gətirib.