https://www.innews.az/uploads/news/2024-10/_innews_0c641aa3b6774d9156b17394b_o.jpg
- Əvvəlcə özünüz haqqında məlumat verin
Azərbaycan Dillər Universitetinin Beynəlxalq münasibətlər ixtisasına 2020-ci ildə qəbul olun 2024-cü ildə həmin ixtisas üzrə məzunu olmuşam.
- Məktəb vaxtı aktiv olmusunuz, bəs tələbəlik dövründə nələr edirdiniz?
Ali təhsil aldığım müddətdə ixtisasımla bağlı bir çox təcrübə proqramlarında iştirak eləmişəm. Akademik yönə marağım olduğu üçün elmi məqalələr də yazırdım.
- Təhsilinizi məhz ADU-da davam etdirməyə qərar vermisiniz. Niyə ADA yox, niyə məhz ADU?
Mən qəbul olmamışdan 2 il əvvəl dostum Azərbaycan Dillər Universitetinin tələbəsi adını qazanmışdı. Məndə bu universiteti araşdırıb seçdim.
- Təhsildən sonra planlarınız nədir?
Universiteti sonra əsas hədəflərimdən biri magistratura və doktorantura səviyyəsi üzrə təhsil almaqdır. Təhsil müddətində isə, Erasmus proqramı vasitəsilə digər bir ölkədə 1 semestr təhsil almağı arzulayıram. Çünki, fərqli universitet, fərqli ölkə və fərqli millət mənim dünyagörüşümü maksimum dərəcədə genişləndirəcək və mənim şəxs kimi formalaşmağıma daha çox töhfə verəcəkdir. Təhsilimi bitirdikdən sonra, təbii ki, Vətənə geri dönərək karyera planlarımı həyata keçirəcəyəm.
- Könüllü fəaliyyətlərinizdə ən çox yadda qalan hadisə nə olub?
Mən 30-dan çox könüllü təşkilatlarda fəaliyyət göstərmişəm. "Ədliyyə könüllüləri", "Bir könüllü", "Miqrasiya könüllüləri", "Diplomatiya könüllüləri" və s. ADU-da isə “Gənc politoloqlar qurumu”nun sədri olmuşam. Könüllü fəaliyyətimdə ən yadda qalan hadisə Elm və təhsil naziri Emin Əmrullayevin və Baş Nazir Əli Əsədovun akti.v könüllü fəaliyyətimə görə mənə sertifikat və fəxri fərmanla təltif etmələri olub. Eyni zamanda "Diplomatiya könüllülərində" Ayxan Hacıyevin mənə arayış verməsi ən yadda qalan hadisələrdən biri olub.
- Bir gənc olaraq həmyaşıdlarınıza nəyi tövsiyyə edirsiniz?
Dərslərinə fikir versinlər. Düzdür, gənclik elə bir dövrdür ki, adamın başı başqa şeylərə qarışır, amma məncə elmə daha çox önəm versinlər. Çünki əlavə işlərə sonra vaxtları olacaq.
Müsahibəni aldı: jurnalist Nərgiz Məmmədova
Ən son xəbərləri səhifəmizdən də izləyin
