https://www.innews.az/uploads/news/2024-10/_innews_454f50f2af6d27ff69546abb7_o.jpg
Dekabrın 19-da Heydər Əliyev Sarayında "Cazın şahzadəsi" kimi tanınan azərbaycanlı pianoçu, bəstəkar və vokalçı, Xalq artisti Əzizə Mustafazadə yubiley konsert proqramı ilə çıxış edəcək.
Sarayın mətbuat xidmətindən innews.media verilən məlumata görə, öz yubiley doğum gününü doğma şəhəri Bakıdakı Heydər Əliyev Sarayında qeyd edəcək sevilən caz ifaçısının "Generations" adlı yeni albomu da musiqisevərlərə təqdim olunacaq.
Ə. Mustafazadənin repertuarına təkcə öz bəstələri deyil, həmçinin onun atası, mərhum ustad musiqiçi Vaqif Mustafazadənin əsərləri də daxildir. Pianoçu-bəstəkarın öz bəstələrindən "Şərq ornamentləri", "Şamanlar", "Yeni Bakı", "Ziddiyyətlər", "Sentyabr balladası" və digər caz improvizasiyaları misal göstərmək olar. Onun ifasında Azərbaycan milli musiqi çalarlarını özündə ehtiva edən caz improvizasiyaları qeyri-adiliyi və ritmikliyi ilə musiqisevərlərin zövqünü oxşayır.
Qeyd edək ki, saat 20:00-dan 21:30-dək davam edəcək konsertə biletləri iTicket.az saytı və şəhərin kassalarından əldə etmək mümkündür.
Ən son xəbərləri səhifəmizdən də izləyin
