https://www.innews.az/uploads/news/2024-08/_innews_8492ea6ceb93d2380f45c8663_o.jpg
Əlilliyə Erkən Yardım “Portec Şəbəkəsi” İctimai Birliyi tərəfindən həyata keçirilən “Sosial işin keyfiyyətinin artırılması” layihəsinin icrası uğurla yekunlaşmışdır.
Layihənin məqsədi ölkədə sosial iş üzrə təhsilin xüsusilə həssas qruplarla aparılan sosial iş sahəsində ixtisaslaşmanın keyfiyyətinin artırılması, bu sahədə yerli və beynəlxalq qanunvericiliklə yanaşı təcrübənin öyrənilməsi və müxtəlif sferalarda sosial işin inkişafı üçün silsilə təlimlər vasitəsilə maarifləndirilmənin keçirilməsidir.
İcrasına 01.06.2024-cü il tarixindən etibarən başlanılan layihəyə müraciət etmiş 145 nəfər arasından 40 nəfər seçilərək təlimlərə cəlb olunmuşdur. Təlimlərdə sosial iş ixtisası üzrə təhsil alan müxtəlif universitetlərin tələbəri iştirak etmişdir. Belə ki, təlimlər ilk qrup üzrə 29-30 iyun 2024-cü il və 06-07 iyul 2024-cü il tarixlərində, ikinci qrup üzrə isə 13-14 iyul 2024-cü il və 20-21 iyul 2024-cü il tarixlərində keçrilmişdir. Hər iki qrup üzrə təlim iştirakçılarına sertifikatlar təqdim olunmuşdur.
Təlimlər sosial iş sahəsində ixtisaslaşmış və təcrübəli mütəxəssislər tərəfindən keçirilmiş, iştirakçılara sosial işçinin bilməli olduğu vacib mövzular tədris olunmuşdur. Bununla yanaşı təlimlərdə qrup işləri, rollu oyunlar, psixoloji testlər, buzqıranlar tətbiq olunmuş, həmçinin real keyslər üzrə aparılan işlər, keys menecment, ilkin qiymətləndirmə, konsultasiya qaydaları mövzuları ətrafında müzakirələr aparılmışdır.
Qeyd edək ki, təlimi keçən mütəxəssislər praktiki biliklərlə yanaşı nəzəri mövzular, yerli və beynəlxalq qanunvericilik aktları, onların sahədə tətbiq mexanizmləri, qəbul olunmuş yeni qanunvericilik sənədləri və qərarlar həmçinin bədən dili, nitq qabiliyyəti və s. kimi mövzuları tədris etmişdirlər.
Layihə üzrə təlimlər təcrübəli mütəxəssis Günay İbrahimova tərəfindən icra olunmuşdur. Təlimlərə layihənin icrası üzrə tərəfdaş təşkilat olan “Sosial İş Məktəbi” İctimai Birliyinin rəhbəri Lamiyə Rzayeva- Əhmədli, UNİCEF Azərbaycanın “Sosial Xidmətlər və Uşaqların Müdafiəsi” sahəsi üzrə milli məsləhətçisi Elmir Valehli, Miqrasiya Siyasətinin İnkişafı üzrə Beynəlxalq Mərkəzin “Miqrant və Qaçqınlar” üzrə milli məsləhətçisi Emin Mehdizadə qonaq olmuş, öz təcrübələrini və nəzəri məlumatları iştirakçılarla bölüşmüşdürlər. Təlimlərdə Birliyin, eləcə də “Sosial işin keyfiyyətinin artırılması” layihəsinin rəhbəri Gülnarə Pənahova iştirakçılara sahədə vacib hesab olunan tövsiyyələr vermişdir.
Layihənin icrasının son mərhələsində qiymətləndirmə sorğuları, layihənin icrası üzrə aparılmış aralıq və yekun qiymətləndirmə göstəriciləri həmçinin monitorinq nəticələri təhlil olunmuşdur. Onu da əlavə edək ki, layihədə iştirak edən tələbələrin təhsil aldıqları universitet və kolleclərə təşkilat tərəfindən aktiv iştiraklarına görə təşəkkür məktubu hazırlanaraq göndərilmişdir.
Layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin ayırdığı qrant müsabiqəsi əsasında maliyyələşdirilmişdir.
Ən son xəbərləri səhifəmizdən də izləyin
