https://www.innews.az/uploads/news/2024-08/_innews_50fe0e424be8c3b26e83393a4_o.jpg
Mühit" Ekoloji Mühafizə İctimai Birliyinin Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirdiyi “Əkin sahələrinin yandırılmasının ekoloji və hüquqi nəticələri” layihəsi üzrə növbəti tədbiri Şabran rayonunda keçirmişdir. Tədbiri açan ictimai birliyin sədri Əzizağa Hünbətəliyev əkin sahələrinin biçindən sonra yandırılmasının iqtisadi, ekoliji, bioloji cəhətdən zərərini izah etmiş, ölkəmizdə ekoloji mühitin qorunması, qida təhlükəsizliyinin təmin olunması, kənd təsərrüfatında əmək məhsuldarlığının artırılması üçün torpağa aqrotexniki xidmətin əhəmiyyətini göstərmişdir.
Ə.Hünbətəliyev COP 29 ərəfəsində ictimaiyyət arasında ekoloji aktivliyin və təşəbbüskarlığın yüksəldiyini qeyd etmişdir. Bu tədbirin də həmin kompaniya ilə uzlaşdığını qeyd edən təşkilat rəhbəri COP 29-un ciddi beynəlxalq hadisəyə çevrilməsi üçün dövlətimizin həyata keçirdiyi tədbirləri sadalamışdır.
Şabran rayon icra hakimiyyətinin əməkdaşı Daşqın Məmmədov rayonda taxılçılığın inkişafı, yanğın təhlükəsizliyinə qarşı mübarizə işində bələdiyyələrin, icra nümayəndələrinin, fermerlərin, dövlət orqanlarının birgə səylərini qeyd etmiş, fermerlərin maariflənməsi üçün belə tədbirlərin əhəmiyyətini göstərmişdir.
AR Fövqalada Hallar Nazirliyinin Yanğın Təhlükəsizliyi Xidmətinin Şimal regional Mərkəzinin əməkdaşı Rəfael Bayramov müxtəlif dövlət qurumları və ictimai birliklərin keçirdikləri tədbirlərdə əkin sahələrinin yanğından qorunması üçün atılan addımlardan danışaraq göstərmişdir ki, son iki ildə Şabran rayonunda bu sahədə qanun pozuntusu qeydə alınmamışdır. R. Bayramov bir neçə il əvvəl Şabran rayonunda baş vermiş tarlanın yandırılması nəticəsində meşə yanğınlarının olmasını kənd əhalisinə və təbiətə dəyən zərəri xatırlatmışdır.
Layihənin eksperti hüquqşünas Aydın Kərimov təbiət və insan münasibətlərindən, təbiətə dəyən zərərdən bunun qarşısını almaq üçün dövlətin həyata keçirdiyi hüquqi tədbirlərdən, tənzimləmə mexanizmindən və yaranan məsuliyyətdən danışdı, qanunvericiliyin müvafiq müddəalarını izah etdi. COP 29-la bağlı təbiətə vurulan zərərə görə məsuliyyətin daha da sərtləşdirilməsini təklif etdi. Əkin sahələrinin biçindən sonra yandırılmasının yaratdığı hüquqi nəticələrdən və onlara qarşı görülən hüquqi tədbirlərdən danışdı. Cinayət və İnzibati Xətalar Məcəllələrinin müvafiq maddələrini izah etdi. COP 29 tədbirlərinin ölkəmizdə keçirilməsinin əhəmiyyətini vurğuladı, bundan sonra ekoloji hüquq pozmalara qarşı mübarizənin daha da sərtləşəcəyini diqqətə çatdırdı.
İştirakçıların sualları cavablandırıldı, onları maraqlandıran məsələlərlə bağlı geniş müzakirə aparıldı.
Sonra iştirakçılar tarlaların kənarlarında, yanğın riskinin çox olduğu yerlərdə “Odla ehtiyyatlı olun”, Əkin sahələrini yandırmaq qadağandır”, “Tarlaları yanğından qoruyaq” lövhələrini quraşdırdılar.
Ən son xəbərləri səhifəmizdən də izləyin
