Françayzinq Assosiasiyası əlaqələrini genişləndirir - YENİ ANLAŞMA

«Azərbaycan Françayzinq Assosiasiyası» İctimai Birliyi (AFA) ilə Rusiya Federasiyasının subyekti olan Çuvaş Respublikası arasında birgə fəaliyyətə dair anlaşma Memorandumu imzalanmışdır.

Memorandumu AFA İdarə Heyətinin sədri Camid Mövsümov, Çuvaş Respublikası adından respublikanın «Kiçik və orta sahibkarlıq subyektlərinin ixraca dəstək koordinasiya mərkəzi»nin rəhbəri cənab A.Zaxarov imzalamışdır.

İmzalanma mərasimində AFA-nın Rusiya Federasiyasında rəsmi nümayəndə heyətinin rəhbəri Orxan Rəhmanov iştirak etmişdir.
Çuvaş Respublikasından ölkəmizə gələcək iş adamlarının və investorların fəaliyyətinin təşkilinə dəstək, Azərbaycan markalarının Çuvaş Respublikasına çıxışına dəstək, birgə Biznes missiyaların səfərləri və forumların təşkili kimi məsələlər memorandumda öz əksini tapmışdır.