https://www.innews.az/uploads/news/2024-08/_innews_85f7423b87f9905df6d3b8a9a_o.jpg
"Mühit" Ekoloji Mühafizə İctimai Birliyinin Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirdiyi ““Əkin sahələrinin yandırılmasının ekoloji və hüquqi nəticələri” layihəsini növbəti tədbiri Xaçmaz rayonunda keçirilmişdir. 50 min hektar suvarılan əkin sahəsi olan Xaçmaz taxıl əkinində qabaqcıl rayonlardan biri hesab olunur.
Tədbiri açan "Mühit" Ekoloji Mühafizə İctimai Birliyinin sədri Əzizağa Hünbətəliyev layihənin mahiyyəti, tədbirlərin əhəmiyyəti haqqında məlumat vermiş, əkin sahələrinin yandırılmasının yaratdığı ekoloji və iqtisadi fəsadlardan danışmışdır. Əzizağa Hünbətəliyev ölkəmizdə keçirilən COP29 tədbirinin ekolojiyanın mühafizəsində əhəmiyyətinin xüsusi qeyd etmişdir.
Tədbirdə iştirak edən Xaçmaz rayon icra hakimiyyətinin ictimai-siyasi humanitar şöbəsinin baş məsləhətçisi Tariyel Didarov rayonda kənd təsərrüfatının inkişafı sahəsində görülən işlərdən, fermerlərə göstərilən qayğıdan, ölkənin ərzaq təhlükəsizliyini qorunmasında xaçmazlıların rolundan danışmış, belə tədbirlərin faydalı olduğunu qeyd etmişdir.
Xaçmaz Dövlət Aqrar İnkişaf Mərkəzinin nümayəndəsi Qabil Ağabalayev ölkədə kənd təsərrüfatı sahəsində son dövrlərdə aparılan islahatlar, bu prosesdə Xaçmaz kənd əməkçilərinin rolu barədə məlumat vermiş, əkin sahələrinə aqrotexniki qulluq göstərilməsinin əhəmiyyətini qeyd etmişdir.
Ekolojiya və Təbii Sərvətlər Nazirliyinin Xaçmaz regional bölməsinin əməkdaşı Vüsal Xankişiyev torpağın mühafizəsi, mikroarqanizmlərin qorunması işində fermerlərlə rayon İcra Hakimiyyətinin, Fövqalada Hallar Nazirliyinin, polis əməkdaşlarının birgə işini qeyd etmiş, rayonda son dövrlərdə əkin sahələrinin yandırılması ilə bağlı heç bir qanun pozuntusu olmadığını bildirmişdir.
Fövqalada Hallar Nazirliyinin Xaçmaz regional idarəsinin böyük inspektoru Vüsal Cabarov tarlaların yandırılmasına qarşı gördükləri qabaqlayıcı tədbirlər haqqında məlumat vermişdir.
Layihənin eksperti hüquqşünas Aydın Kərimov taxıl biçimindən sonra əkin sahələrinin yandırlımasının hüquqi nəticələri haqda danışmış, qanunvericiliyin tələblərini izah etmişdir. A.Kərimov bildirmişdir ki, ölkəmizdə keçirilən COP 29 - dan sonra ekolojiya ilə bağlı qanunvericilik daha da təkminləşdiriləcək, tələblər sərtləşdiriləcəkdir.
İnteraktiv qaydada aparılan müzakirələrdə fermerlər Şirinbala Nəsirli, Gülzəhra İsayeva və b. əkin sahələrinin yandırılmasını ekoloji, bioloji və iqtisadi fəsadlarından danışmışlar.
İştirakçıların çoxsaylı sualları cavablandırılmış, əkin sahələrinin yandırılmasının qanun pozuntusu olmaqla yanaşı mənəvi və ekoloji ziyana səbəb olduğunu vurğulamışlar.
Sonda iştirakçılar rayonun taxıl əkini sahələrinin kənarına “Odla ehtiyyatlı olun”, “Əkin sahələrini yandırmaq qadağandır”, “Tarlaları yanğından qoruyaq” lövhələri quraşdırılmışdır.
Ən son xəbərləri səhifəmizdən də izləyin
