https://www.innews.az/uploads/news/2024-08/_innews_2191ded906a4cd128e80687e4_o.jpg
“Qabaqcıl şəhərlərimizdən biri olan Sumqayıtda sənaye müəssisələrinin geniş şəbəkəsi yaranır, sahibkarlıq inkişaf edir, dövlətin həyata keçirdiyi sosial yönümlü bazar münasibətləri sürətlə formalaşır” - Azərbayan Respubıikası Qeyri-Hökumət Təşkilatlarına Dövlət Dəstəyi Agentliyinin maliyyəsi ilə “Hüqiqi Tədqiqatlar Mərkəzi” ictimai birliyinin “Sahibkarların Rəqabət Məcəlləsi haqqında məlumatlandırılması” layihəsi üzrə Sumqayıtda keçirilən tədbiri açan HTM-nin rəhbəri BDU-nun dosenti, hüquq üzrə fəlsəfə doktoru Bəxşeyiş Əsgərov təqdimata bu sözlərlə başladı.
Yeni qüvvəyə minmiş Rəqabət Məcəlləsinin iqtisadi inkişafında, bazar münasibətlərinin düzgün formalaşmasında, uğur yarışında yeri haqda məlumat verən natiq bu Məcəllənin əhəmiyyətini şərh etdi. Maariflənmənin, məlumatlılığının vacibliyini vurğuladı.
Sumqayıt şəhər İcra hakimiyyətinin ictimai-siyasi və humanitar məsələlər şöbəsinin müavini Fərman Kazımov Sumqayıt şəhərində sahibkarlığın inkişafına yaradılan şəraitdən, yeni sənaye və ticarət obyektlərinin istifadəyə verilməsindən danışdı. Bu sahənin prioritet sahələrdən biri olduğunu göstərdi. Rəqabət Məcəlləsinin əhali arasında yayılmasında fəal iştirak etdiyinə görə Azərbayan Respubıikası Qeyri-Hökumət Təşkilatlarına Dövlət Dəstəyi Agentliyinə və “Hüqiqi Tədqiqatlar Mərkəzi” ictimai birliyinə təşəkkürünü bildirdi.
Hüquqşünas ekspert Aydın Kərimov Rəqabət Məcəlləsinin mahiyyətini, dövlətimizin bu sahədə apardığı siyasəti, ədalətli rəqabətin əhəmiyyətini izah etdi.
İqtisadçı alim, Azərbaycan İqtisadçılar İttifaqının sədr müavini, Azərbaycan Dövlət İqtisad Universitetinin dosenti, istisad üzrə fəlsəfə doktoru Elşad Səmədzadə “Haqsız rəqabətlə mübarizə iqtisadi inkişafın vacib amili kimi” mövzusunda çıxış etdi. İqtisadiyyatın qanunauyğunluqlarını və onun normativləşdirilməsi mexanizmini izah edən E.Səmədzadə Məcəllənin düzgün və səmərəli tətbiqi üçün sahibkarların, dövlət qurumlarının, medianın, QHT-lərin bircə əməkdaşlığını zəruri hesab etdi. QHT-lərin apardığı maarifçilik fəaliiyətini yüksək qiymətləndirdi.
Sumqayıt iş adamlarından Mahmud Şirinov və Eldar Musayev çıxış edərək rəqabət mühitinin düzgün formalaşmasının əhəmiyyətini qeyd etdilər. Bildirdilər ki, bazar subyektlərinin Rəqabət Məcəlləsini bilməsi və düzgün tətbiq etməsi iqtisadiyyatın inkişafına kömək edəcəkdir.
Sonda mütəxəssislər sahibkarların suallarını cavablandırdı, sahibkarlar arasında sorğu keçirildi. İştirakçılara normativ sənədlər toplusu paylandı.
Ən son xəbərləri səhifəmizdən də izləyin
