https://www.innews.az/uploads/news/2024-08/_innews_d9930f0bbad0ce3f05ccb6b04_o.jpg
31 iyul 2024-cü il tarixində gender və uşaq məsələləri üzrə ekspert Abil Bayramov mediada gender bərabərliyinin təbliği, media vasitəsilə gender stereotipləri və məişət zorakılığı halları ilə mübarizə, qadın və uşaq hüquqlarının müdafiəsi istiqamətində milli qanunvericilik və beynəlxalq təcrübə, jurnalistin etik davranış qaydaları mövzusu üzrə təqdimatla çıxış edib.
Növbəti gün 1 avqust - Azərbaycan əlifbası və Azərbaycan dili günü ilə əlaqədar Ailə, Qadın və Uşaq Problemləri üzrə Dövlət Komitəsinin analitik təhlil və informasiya təminatı şöbəsinin əməkdaşı Pərvanə Əsgərzadə “Nitq mədəniyyəti” mövzusu üzrə çıxış edərək, nitqin daha aydın, düzgün və ifadəli olması üçün əsas şərtlər, ünsiyyət formaları və bədən dilinin önəmi, müsahibələrdə doğru nitq vasitələrindən istifadə barədə məlumat verib.
Daha sonra gender və uşaq məsələləri üzrə mütəxəssis Fərid Ədilov əsas təqdimat bacarıqları, həssas qruplarla ünsiyyət, müsahibə və araşdırma qaydaları, sualların hazırlanması və verilməsi qaydası, uşaq və qadınlarla bağlı həssas mövzularda aparılan araşdırmalarda və mediada məlumatların verilməsində etik qaydalar barədə tələbələri məlumatlandırıb. O, həmçinin qadın və uşaq məsələri ilə bağlı məlumatların mediada yayımlanmasına dair Britaniya təcrübəsi – mətbuatla iş, qanunlar barədə təqdimat edib.
Günün yekununda tələbələr üçün Qəbələ Nohurgölə ekskursiya təşkil edilib.
Ən son xəbərləri səhifəmizdən də izləyin
