https://www.innews.az/uploads/news/2024-07/_innews_3953a883e88ad6b6be567ed0d_o.jpg
Azərbaycan Respublikası Qeyri-Hökumət Təşkilatlarına Dövlət Dəstəyi Agentliynin maliyyə dəstəyi ilə “Müasir Azərbaycan Qadını” İctimai Birliyi “Erkən nikahlar qadın hüquqlarının pozulması kimi” adlı layihənin növbəti təlimin icrasını Cəlilabad rayonunda həyata keçirdi.
Təlimdə layihə rəhbəri Kəmalə Muradlı layihənin əsas məqsəd və vəzifəsi haqqında məlumat verdi və bildirdi ki, bu gün bütün dünyada olduğu kimi ölkəmizdə də erkən nikahlar məsələsi dövrümüzün mühüm və aktual problemlərindən biri olaraq qalır. Belə ki, erkən yaşda qızların ailə həyatı qurmağa məcbur edilməsi onların təhsilinə, bir fərd kimi inkişafına mane olur, psixologiyasına mənfi təsir göstərir. Erkən nikah gənc qızların sağlamlığı və həyatını təhlükə altına atmaqla yanaşı, həmçinin risklər də yaradır. Belə hallar boşanmalara, sağlamlıq imkanları məhdud uşaqların dünyaya gəlməsinə və nəticədə sosial cəhətdən həssas qrupların sayının artmasına səbəb olur. İştirakçılara Qadın və uşaq hüquqlarının pozulduğunu, gələcəkdə belə nikahdan doğulan uşaqların müxtəlif xəstəliklərlə üzləşdiyini gənc qadınların fiziki, mənəvi və psixoloji sarsıntılara məruz qaldığı, erkən nikahlara təhrik edilən qızların hüquqlarının müdafiəsi mexanizmi izah edildi.
Çıxış üçün söz layihənin hüquqşünası “Hüquqşünas Qadınlar Assisosiyası” İctimai Birliyinin rəhbəri Xanım Əhmədzadəyə verildi. Hüquqşünas məcburi nikaha cəlb edilmə ilə bağlı qanunda nəzərdə tutulan Cinayət Məcəlləsinin (CM) 176-1.1-ci maddəsində qadını nikaha daxil olmağa məcbur etməni, 176-1.2-ci hissəsi isə nikah yaşına çatmayan qadını nikaha daxil olmağa məcbur etməni ehtiva edən sanksiyalaşma haqqında məlumat verdi. Eləcə də qeyd etdi ki, valideyinlər qız övladlarının erkən yaşda ailə qurmasına yox, peşə sahibi olmasına çalışmalıdırlar.
Təlimdə iştirak edən Cəlilabad rayon Ailə Sağlamlıq Mərkəzinin müdüri həkim-pediator Könül Əliyeva erkən yaşda ana olan gənc qızların repraduktiv sağlamlığı haqqında məlumat verdi və bildirdi ki, erkən nikah nəticəsində bir çox xroniki xəstəliklər kəskinləşir və reproduktiv sağlamlıqla (nəsil artırmaq qabiliyyəti) bağlı problemlər yaşanır. Hamiləlik isə xroniki xəstəliklərin kəskinləşməsi prosesinə daha bir təkan verir yeniyetmə hamilələrin sağlamlıq göstəriciləri aşağı enir yeniyetmə yaşlarında baş verən hamiləlik ana ilə bərabər doğulacaq körpənin sağlamlığı və həyatı üçün də riskli addımlar yaradır. Yeniyetmə hamiləliyi 30 % hallarda patoloji doğuşla nəticələnir.Təlimdə iştirak edən İcra Hakimiyyəti yanında Yetkinlik yaşına çatmayanların işləri və hüquqlarının müdafiəsi üzrə komissiyanın uşaqlarla iş üzrə məsləhətçi-psixoloqu Günay İbadova Rayon İcra Hakimiyyətində Yetkinlik yaşına çatmayanların işləri və hüquqlarının müdafiəsi üzrə komissiya yaradıldığını və bu komissiyaya erkən nikahlar, məişət zorakılığı və digər problemlərlə müraciət etmək üçün 1161 nömrəli 24 saat ərzində fəaliyyət göstərən qaynar xəttin yaradıldığını qeyd etdi.
Sonda iştirakçıları maraqlandıran suallar cavablandırıldı.
Ən son xəbərləri səhifəmizdən də izləyin
