https://www.innews.az/uploads/news/2024-07/_innews_4295c19da67fd65bbcec7e746_o.jpg
Şəki ölkədə sahibkarlığın sürətlə inkişaf etdiyi regionlardan biridir. Gözəl təbiəti, zəngin mətbəxi, qədim tarixi abidələri həmişə turistləri bura cəlb etmiş, turizm sənayesi inkişaf etmişdir. Şəkidə çox saylı şirniyyat növləri istehsal edən və satan müəsssisələr fəaliyyət göstərir. Özəl sektor sürətlə inkişaf edir.
Bütün bunları nəzərə alaraq "Hüquqi Tədqiqatlar Mərkəzi" İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirdiyi “Sahibkarların Rəqabət Məcəlləsi haqqında məlumatlandırılması” layihəsi üzrə Şəkidə tədbir təşkil etmişdir.
01 iyul tarixindən qüvvəyə minən ölkədə sahibkarlığın inkişafına, bazar münasibətlərinin formalaşmasına, ədalətli rəqabət münasibətlərinin yaranmasına kömək edəcək “Rəqabət Məcəlləsi”nin əhali arasında, xüsusilə sahibkarlar arasında izah edilməsi vacibdir.
Yeni sistem formalaşdıran, iqtisadiyyatımızı dünya standartlarına yaxınlaşdıran, çoxsaylı yeni terminlər işlənən Məcəllə geniş izah edilməli, maarifçilik işi aparılmalıdır.
Bütün bunlar haqqında məlumat verən layihənin eksperti hüquqşünas Aydın Kərimov Məcəllənin dövlətimizin rəqabət sahəsindəki siyasətinin mahiyyətini izah etdi. Onun monopolizmin, inhisarçılığın aradan qaldırılmasında rolundan danışdı.
İqtisadçı alim, Azərbaycan İqtisadçılar İttifaqının sədr müavini, Azərbaycan Dövlət İqtisad Universitetinin dosenti, istisad üzrə fəlsəfə doktoru Elşad Səmədzadə “Haqsız rəqabətlə mübarizə iqtisadi inkişafın vacib amili kimi” mövzusunda çıxış etdi. İqtisadiyyatın qanunauyğunluqlarını və onun normativləşdirilməsi mexanizmini izah edən E.Səmədzadə Məcəllənin düzgün və səmərəli tətbiqi üçün sahibkarların, dövlət qurumlarının, medianın, QHT-lərin bircə əməkdaşlığını zəruri hesab etdi. QHT-lərin apardığı maarifçilik fəaliiyətini yüksək qiymətləndirdi.
Tədbir iştirakçıların fəallığı şəraitində diskusiya formasında davam etdirildi, iştirakçıların sualları cavablandırıldı. İştirakçılara rəqabətlə bağlı normativ sənədlər toplusu paylandı.
Sahibkarlar arasında sorğu keçirildi.
Ən son xəbərləri səhifəmizdən də izləyin
