Qazi Firidun Məmmədov müharibə yönümlü QHT-lər ittifaqının koordinatoru seçildi

Dünən, 22.06.24 tarixində Müharibə iştirakçılarını, Qaziləri və Şəhid ailələrini təmsil edən 20-yə yaxın Qeyri Hökumət Təşkilatının (QHT) daxil olduğu "Müharibə yönümlü QHT-lər İttifaqı" təsis edilərək rəsmən elan edildi. İttifaqın ümumi yığıncağında bir sıra qərarlar qəbul edildi. Qərara əsasən, İttifaqın 7 nəfərdən ibarət Koordinasiya Şurası və Koordinator seçildi. KŞ-yə növbəti yığıncağa qədər İttifaqın Nizamnaməsi, Məramnaməsinin hazırlanması və digər təşkilati işlərin görülməsi üçün səlahiyyət verildi. İttifaqın Koordinatoru QƏQİB-in sədri Qazi Firidun Məmmədov digər analoji təşkilatların da İttifaqa daxil olması üçün şərait yaradılacağını bildirdi.

İttifaqın yaradılmasında məqsəd Ali Baş Komandan və digər dövlət orqanları ilə keçmiş Döyüşçülər arasında körpü rolunu oynamaq, təmsil etdikləri təbəqənin dövlətin ətrafında sıx birləşməsini təmin etməkdir.

Bütün döyüşçülərə xeyirli və uğurlu olsun!