ADRA-da “Bravo” supermarketlər şəbəkəsinin nümayəndələri ilə görüş olub

Azərbaycan Respublikasının Dövlət Reklam Agentliyi ilə “Bravo” supermarketlər şəbəkəsinin nümayəndələri arasında görüş keçirilib.

Görüşdə açıq məkandakı reklamlarla bağlı qanunvericiliyə edilən son dəyişikliklər müzakirə edilib, fasad reklamlarına görə rüsum və yayım haqlarının hesablanma qaydasından danışılıb. Bildirilib ki, “Bravo” supermarketlər şəbəkəsi açıq məkandakı reklamlarına görə dövlət ödənişlərini vaxtlı-vaxtında ödəyən nümunəvi şirkətlərdəndir. Şəbəkənin yeni açılan filiallarının reklamlarının qeydiyyatı üçün birgə əməkdaşlığın əhəmiyyətindən danışılan görüşdə ADRA-nın sahibkarların işini asanlaşdırmaq üçün tətbiq edəcəyi innovativ həll yollarından da bəhs edilib. Qeyd olunub ki, Agentliyin təkminləşdiriləcək İcazələr Sistemi reklamların qeydiyyatı prosesini daha da sürətləndirəcək.