Gəncədə "Strateji Marketinq Forumu" keçirildi

9 iyun tarixində Gəncə şəhərində Azərbaycan və Türkiyə Biznes Group MMC-nin direktoru Teymur Əliyev və RG Logo Creative Agency-nın direktoru Şükufə Ramizqızının birgə təşkilatçılığı ilə "Strateji Marketinq Forumu" keçirilib.

Forumda Gəncə Regional Turizm İdarəsinin rəisi Zaur Bayramov, ADAU-nun ikili diplom proqram rəhbəri Lamiyə Telman qızı Quliyeva, Gəncə Dövlət Universitetinin, Azərbaycan Dövlət Aqrar Universitetinin və Azərbaycan Texnologiya Universitetinin bir sıra səlahiyyətli şəxsləri də iştirak etmişdir.

Forumun əsas məqsədi, ölkənin ali təhsilini başa vurmaqda olan bakalavriat və magistratura səviyyələri üzrə təhsil alan sonuncu kurs tələbələri və məzunların öz ixtisaslarına uyğun olaraq, Sosial Media Marketinq haqqında təlimə yiyələnərək rahat iş imkanları əldə etmələrinə təkan verməkdir. Tədbir, marketinq sahəsində bilik və bacarıqlarını artırmaq istəyən gənc mütəxəssislər üçün unikal fürsətlər yaradır.

Forumda 100-ə yaxın aparıcı dövlət qurumu, özəl şirkət və müəssisələr iştirak edərək, gələcək istedadların görüşdüyü bir platforma yaratdı. Forumun sonunda iştirakçılara sertifikatlar verilib və xatirə şəkilləri çəkilib. Xüsusilə, tədbirə dəstək göstərən Millət vəkili Pərvin Kərimzadə, Azərbaycan və Türkiyə Biznes Group MMC-nin direktoru Teymur Əliyev, ADAU, AzTU, GDU rəhbərliyinə və əməyi keçən hər kəsə təşəkkürlər bildirilib.