"Narkomaniya və narkotiklərin qeyri-qanuni dövriyyəsi ilə mübarizə" mövzusunda təlim keçirilib

İ.M.Seçenov adına Birinci Moskva Dövlət Tibb Universitetinin Bakı filialında birinci kurs tələbələri üçün "Narkomaniya və narkotiklərin qeyri-qanuni dövriyyəsi ilə mübarizə" mövzusunda təlim keçirilib.

Təlimdə Dövlət Gömrük Komitəsi Tibbi Xidmət İdarəsinin rəis müavini, tibb üzrə fəlsəfə doktoru, dosent İsmayıl Əfəndiyev çıxış edərək tələbələrə yeni növ narkotiklərin təhlükəsi, narkotik istifadəçilərinin erkən araşdırılması, narkotik vasitələrlə zəhərlənmələrin müalicəsi, gənclər arasında yayılmış bəzi narkotik vasitələrin xüsusiyyətləri, təsirləri, yaratdıqları fəsadları və profilaktikası barədə ətraflı məlumat verib.

Onun çıxışı böyük maraqla qarşılanıb, mövzu ətrafında müzakirələr aparılıb və çoxsaylı suallara cavablar verilib.

Ən yaxşı sualların müəlliflərinə Dövlət Gömrük Komitəsi Tibbi Xidmət İdarəsi tərəfindən dərc olunmuş “Narkotik vasitələr və psixotrop maddələrlə intoksikasiyalar: diaqnostika, müalicə və profilaktika” adlı metodik vəsait hədiyyə edilib.