ADY dəmir yolu keçidlərindən təhlükəsiz istifadə ilə bağlı 300 saylı tam orta məktəbdə təlim keçirib

ADY dəmir yolu keçidlərindən təhlükəsiz istifadə ilə bağlı növbəti təlimi Biləcəri dəmiryol stansiyasının yaxınlığında yerləşən 300 saylı tam orta məktəbdə keçirib.

Şagirdlərə qatarların hərəkətinə mane olan kənar müdaxilələr, daşatmalar və onların insanlar və qatarlara törətdiyi ağır fəsadlar barədə məlumat verilib.

Dəmir yolu xəttini qadağan olunmuş yerdən keçdiyi üçün sağlamlığını itirən İmran Lalayev öz həyat hekayəsini şagirdlərlə paylaşaraq onları təhlükəsizlik qaydalarına ciddi əməl etməyə çağırıb.