Milli QHT Forumuna yeni rəhbər və İdarə Heyəti seçildi - SİYAHI

Bu gün Azərbaycan Milli QHT Forumunun X qurultayı keçirilib.

innews.media xəbər verir ki, “Pulman hotel”də baş tutan qurultayda Forumun nizamnaməsinə dəyişikliklər edilib və “Azərbaycan Milli QHT Forumunun prezidenti” postu ləğv olunub.

Qurultayda Forumun 5 nəfərdən ibarət İdarə Heyəti seçilib.

İdarə Heyətinə "Hüquqi Təhlil və Araşdırmalar" İctimai Birliyinin sədri Ramil İskəndərli, "Prioritet" Sosial İqtisadi Araşdırmalar Mərkəzi İctimai Birliyinin sədri Zaur İbrahimov, "Avrasiya Miqrasiya Təşəbbüsləri Platforması" İctimai Birliyinin sədri Azər Allahverənov, "Sağlamlığa Xidmət" İctimai Birliyinin icraçı direktoru Pərvanə Vəliyeva və "Xankəndi" Məcburi Köçkünlərə Dəstək İctimai Birliyinin sədri Xatirə Vəliyeva üzv seçilib.

Köhnə rəhbərlikdən heç biri namizəıdliyini irəli sürməyib.

Daha sonra İdarə Heyətinin üzvləri öz aralaında sədr seçiblər. Nəticədə Ramil İskəndərli Milli QHT Forumu İdarə Heyətinin sədri seçilib.

Foruma rəhbərliyi yeni formalaşdırılan İdarə Heyətinin sədri edəcək.

Quruldayda Forumun 3 nəfərdən ibarət Nəzarət-Təftiş Komissiyası da seçilib.