https://www.innews.az/uploads/news/2024-04/_innews_5fb46903a5a00871d283c9741_o.jpg
Tanri tərəfindən seçilmiş elə insanlar var ki, sağlığında insanların hörmətini qazanır, dünyadan köçəndə isə tarixdə öz izini qoyur. Zərifə xanım da elə insanlardandır ki,tarixdə öz adını əbədi qoyaraq yaşadığı ömrü şərəflə yaşamışdır. O, insanları sevərdi, heç vaxt heç kimi incitməz,heç kimə kömək etməkdən çəkinməzdi.Ömrünü öz sənətinə,ailəsinə,xalqına həsr edən böyük oftalmoloq,Əməkdar elm xadimi,AMEA-nın həqiqi üzvü Zərifə Əziz qızı Əliyeva belə insanlardan idi.
Zərifə xanım bir qadın,bir ana,bir həyat yoldaşı olaraq əsl insanlıq zirvəsinə yüksəlmişdir.O,heç bir zaman heç kimin kölgəsində daldalanmamışdır.Güclü xarakteri,əzmkarlığı,xeyixahlığı sayəsində sağlığında özünə canlı abidə ucaltmağı bacarmışdır.15 aprel görkəmli oftalmoloq-alim,akademik Zərifə xanımın anım günüdür.Onun ölümündən artıq 39 il ötür.
Naxçıvanda doğulan Zərifə mənalı ömür sürmüşdür.Onun atası sayılıb-seçilən dövlət xadimlərindən idi.Atası Əziz Əliyevin ömür yolu Zərifə xanım üçün əsl həyat məktəbi olmuşdur
Akademik Zərifə Əliyevanın tədqiqatları,alim kimi qazandığı böyük uğurlar Azərbaycan tibb elminin tarixində xüsusi mərhələ təşkil edir.O,Azərbaycan Tibb İnsitutunu bitirəndən sonra təhsilini Moskvada Həkimləri Təkmilləşdirmə İnsitutunda davam etdirib.Əmək fəaliyyətinə 1949-cu ildə başlayıb.
1940-1950-ci illərdə Azərbaycanda göz xəstəlikləri,xüsusən,traxoma geniş yayılmışdı.İnsanları bu xəstəlikdən xilas etmək üçün əsaslı tədqiqatlar aparmaq,onların effektli müalicə yollarınıişləyib hazırlamaq lazım idi.Zərifə xanım bu xəstəliyin geniş yayıldığı rayonlara gedərək öz elmi işini davam etdirir.Çox keçmədən Zərifə xanım traxoma xəstəliyinin başlanğıc dövründə sintomisinin tətbiqində uğurlu nəticələr əldə edir.Onun təklif etdiyi müalicə metodu respublikamızda geniş tətbiq olunudu və traxomanın bir xəstəlik kimi aradan qalxmasında mühüm rol oynadı.
Zərifə xanımın elmi araşdırmaları davam etdi.Gərgin və məhsuldar fəaliyyətinə görə 1980-ci ildə”Əməkdar elm xadimi” fəxri adına layıq görüldü.1981-ci ildə görmə orqanının peşə patalogiysı sahəsində elmi-tədqiqat işlərinin uğurlu nəticələrinə və oftalmologiyanın inkişafına verdiyi töhfələrə görə ona keçmiş ittifaqın oftalmologiya sahəsində ən mötəbər mükafatı olan SSRİ Tibb Elmləri Akademiyasının M.İ.Averbax adına mükafatı verilib.İlk qadın alimdir ki,həmin mükafata layiq görülüb.
Zərifə xanımın titulları arasında ən şərəflisi gözəl həyat yoldaşı və ana adıdır.
Ş.Xəlilova
S.Xəlilov adına Qızılağac kənd 1 nömrəli tam orta məktəbin müəllimi
Ən son xəbərləri səhifəmizdən də izləyin
