AzMİU-da "Karyera Forumu 4" layihəsi baş tutdu!

Azərbaycan Respublikasının Gənclər Fondunun dəstəyi, “Gənclərin Maarifləndirilməsinə Dəstək” İctimai Birliyi, Gənclərin İnkişaf və Karyera Mərkəzi və Azərbaycan Memarlıq və İnşaat Universitetinin birgə təşkilatçılığı ilə 5 aprel tarixində “Karyera Forumu 4” layihəsi baş tutub..

Forum AzMİU-nun Təcrübə və Karyera Mərkəzinin direktoru Xanlar Qəniyevin çıxışı ilə başlayıb. “Gənclərin Maarifləndirilməsinə Dəstək” İctimai Birliyinin kommunikasiya meneceri Əmrah Həsənli birlik və layihə barədə ətraflı məlumat verib. Təlimçi Sadəgül Balaoğlanovanın “Karyera planlaması” mövzusunda təlimi baş tutub. Təlim prosesi interaktiv formada keçirildi və gənclərin sualları cavablandırılıb.

Sonda “Karyera Forumu 4” layihəsində iştirak edən gənclər sertifikatla mükafatlandırılıblar və forum xatirə şəklinin çəkilməsi ilə yekunlaşıb.

Məlumat üçün bildirək ki, “Gənclərin Maarifləndirilməsinə Dəstək” İctimai Birliyi 30 avqust 2012-ci ildən Azərbaycan Respublikasının Ədliyyə Nazirliyində dövlət qeydiyyatına alınıb və yarandığı ilk gündən etibarən hər zaman gənclər siyasətinə dəstək olaraq, bu sahədə atılan addımlarda ön sıralarda yer alıb.

Birlik gənclərin vətənpərvərlik hisslərinin və dövlətçilik dəyərlərinin yüksəldilməsi məqsədilə gənclər sektorunda mühüm rol oynayan müxtəlif istiqamətlər üzrə çoxsaylı layihələr həyata keçirir.