Azərbaycan nümayəndə heyəti BMT-nin Narkotik Vasitələr üzrə Komissiyasının 67-ci sessiyasında iştirak edir

Azərbaycan nümayəndə heyəti BMT-nin Narkotik Vasitələr üzrə Komissiyasının 67-ci sessiyasına qoşulublar. Avstriyanın paytaxtı Vyana şəhərində baş tutan sessiyada 140 ölkənin dövlət qurumları, qeyri-hökumət təşkilatlarının nümayəndələri iştirak ediblər.

Tədbirdə narkotiklərlə mübarizə siyasətlərində profilaktika strategiyalarının effektiv həyata keçirilməsi üçün gənclərin səlahiyyətlərinin artırılması, anti-narkotik siyasəti və narkotiklərin qarşısının alınmasında gənclərin, gənclər təşkilatlarının rolu ilə bağlı məsələlər müzakirə olunub.

Heyətin tərkibində Gənclər və İdman Nazirliyinin İctimai inkişaf sektorunun müdiri Elşən Qəhrəmanov, Gənclər evləri ilə iş sektorunun baş məsləhətçisi Mahmud Məmmədzadə və “Gənclərin Anti-Narkomaniya” İctimai Birliyinin sədri Büllur Məmmədova təmsil olunublar.

Sessiya çərçivəsində nümayəndə heyəti BMT-nin Narkotik və Cinayətlər Bürosunun (UNODC) rəsmi nümayəndələri ilə görüşlər keçirib, narkomaniya ilə mübarizə üçün həyata keçiriləcək tədbirlər barədə fikir mübadiləsi aparıblar.