Media materiallarında uşaq hüquqlarının pozulması halları ilə bağlı müzakirə keçirildi

Bu gün Hüquqi Təhlil və Araşdırmalar İctimai Birliyi tərəfindən Masallı “Media materiallarında uşaq hüquqlarının pozulması halları” ilə bağlı təlim keçirildi. Yerli mediatorlar və vəkillərin, QHT-lərin iştirakı ilə keçirilən görüşdə Ramil İskəndərli və layihə eksperti Fariz Əkbərov “Azərbaycanda hüquq sistemində uşaqlara həssas yanaşma” və “Media materiallarında uşaqların zərərli informasiyadan qorunması” mövzusunda auditoriya ilə məlumatlarla bölüşmüşlər.

Müzakirədə media materiallarında uşaqların şəxsi və ailə həyatının məxfiliyinin qorunması, yerli qanunvercilik və beynəlxalq təcrübə (BMT və Avropa İnsan Hüquqları Məhkəməsi təcrübəsi) barədə məlumat vermişdir.

Tədbirdə eyni zamanda yerli QHT-lər tərəfindən uşaqların zərəli informasiyadan qorunması və digər uşaq hüquqları məsələləri barədə geniş fikir mübadiləsi aparıldı və təkliflər səsləndi.

2023-cü il noyabr ayından etibarən Avropa İttifaqının maliyyə dəstəyi ilə BMT-nin İnkişaf Proqramının həyata keçirdiyi "Azərbaycanda innovasiya əsaslı və dayanıqlı vətəndaş cəmiyyətinin inkişafı" layihəsi çərçivəsində "Hüquqi Təhlil və Araşdırmalar" İctimai Birliyi tərəfindən "Azərbaycanda Yuvenal Ədliyyə Sistemində İslahatlara Vətəndaş Cəmiyyətinin Dəstəyi" təşəbbüsü həyata keçirilməkdədir.