BDU məzunu xarici təşkilatın Xoşməramlı səfiri statusuna layiq görülüb - FOTO

Bakı Dövlət Universitetinin məzunu Firavan Əlizadə 22 fevral 2024-cü il tarixində müvafiq əmrlə Beynəlxalq İnsan Hüquqları Komissiyasının Gənclər və Qadınlar üzrə Xoşməramlı Səfiri statusuna layiq görülüb.

innews.media xəbər verir ki, Firavan Əlizadə tələbə olduğu müddətdən fəallığı ilə seçilib.

O, 2017-ci ildə Bakı şəhəri Səbail rayonu M.Rahim adına 7 nömrəli tam orta məktəbi Qızıl medalla bitirərək Bakı Dövlət Universitetinin Hüquq fakültəsinə daxil olub. 2021-ci ildə Hüquq fakültəsini fərqlənmə diplomu ilə bitirib. 2023-cü ildə BDU ilə Fransanın Lyon 2 Universiteti arasında bağlanmış ikili diplom proqramının "Əqli mülkiyyət hüququ" ixtisası üzrə məzunu olub. 2019-2022-ci illərdə BDU Hüquq fakültəsinin tələbə gənclər təşkilatı (TGT) sədri kimi fəaliyyət göstərib.