Rəqəmsal vətəndaşlıq sahəsində Sabirabad gəncləri maarifləndirilib

Azərbaycan Respublikasının Gənclər Fondunun elan etdiyi 17-ci qrant müsabiqəsinin qalibləri sırasında yer alan “Region gənclərinin rəqəmsal vətəndaşlıq sahəsində maarifləndirilməsi” layihəsinə start verilib.

Layihənin ilkin mərhələsi Sabirabad rayonunda baş tutub.

Layihənin həyata keçirilməsində məqsəd Azərbaycanda regionda yaşayan gənclərin media savadlılığının artırılması fonunda “Rəqəmsal vətəndaşlıq”, “Dezinformasiyalar və onların aradan qaldırılması üsulları”, “Analitik bacarıqlarının inkişaf etdirilməsi”, həmçinin mediadan ərsəyə gələ biləcək təhlükələrdən məlumatlandırmaqdır.

Qeyd edək ki, layihə “Gənclərin Sosial İnkişafına Dəstək” İctimai Birliyinin təşəbbüsü, Azərbaycan Respublikasının Gənclər Fondunun maliyyə dəstəyi, Gənclərin İnkişaf və Karyera Mərkəzi və “Sabirabad Gənclər Evi” Sosial Xidmət Müəssisəsinin təşkilati dəstəyi ilə həyata keçirilib.