Mediasiya Şurasının təşkilatçılığı ilə Mingəçevir Dövlət Universitetində görüş keçirilib

Mediasiya Şurası ilə Mingəçevir Dövlət Universiteti arasında səmərəli əməkdaşlığın nəticəsi olaraq 21.11.2023 tarixində universitetin tələbələri ilə görüş keçirilib.

Görüşdə Mingəçevir Dövlət Universitetinin Dayanıqlı inkişaf regional innovasiyalar tədqiqat mərkəzinin rəhbəri dosent Asim Məmmədov çıxış edərək ölkəmizdə aparılan

mediasiya islahatları barədə danışıb, Mediasiya Şurası və MDU arasında olan əməkdaşlığın əhəmiyyətini qeyd edib.

Görüşdə Mediasiya Şurasını Mingəçevir 1 saylı mediasiya təşkilatı təmsil edib. Mingəçevir 1 saylı mediasiya təşkilatının rəhbəri Ayaz İsmayılzadə və təşkilatın mediatoru Elnur Məmmədov iştirakçılara mediasiya ilə bağlı maarifləndirici çıxışlar edib və günümüzdə mediasiyanın rolu və əhəmiyyəti müzakirə olunub, tələbələrlə müxtəlif kazuslar müzakirə edilib və onları maraqlandıran suallar cavablandırılıb.