Mediasiya Şurası tələbələrlə görüş keçirib

Bakı Avrasiya Universiteti (BAAU) ilə Mediasiya Şurası arasında səmərəli tərəfdaşlığın nəticəsi olaraq 06 oktyabr 2023-ci il tarixində Bakı Avrasiya Universitetinin tələbləri ilə görüş keçirilib.

Bakı Avrasiya Universitetinin "Elm, magistratura və doktorantura" sektoronun müdiri, Hüquq üzrə fəlsəfə doktoru Vüsalə Həsənova çıxış edərək ölkəmizdə aparılan mediasiya islahatları barədə danışıb, Mediasiya Şurası və Bakı Avrasiya Universiteti arasında olan əməkdaşlığın əhəmiyyətini qeyd edib.

Görüşdə Mediasiya Şurasını Bakı 11 saylı mediasiya təşkilatı təmsil edib. Bakı 11 saylı mediasiya təşkilatının rəhbəri Malik Rzayev və təşkilatın mediatoru Səxavət Mürşüdov tələblərlə Mediasiya ilə bağlı maarifləndirici çıxışlar edib və günümüzdə Mediasiyanın rolu və əhəmiyyəti müzakirə olunub, tələbələrlə müxtəlif kazuslar müzakirə edilib və tələbələri maraqlandıran sualları cavablandırıblar.

Tədbir iştirakçılarına Mediasiya Şurası tərəfindən nəşr edilmiş maarifləndirici materiallar təqdim edilmişdir.