Vətəndaşlara ödənişsiz hüquqi yardım və mediasiya xidmətləri göstəriləcək

"Heydər Əliyev İli” ilə əlaqədar Azərbaycan Respublikasının Vəkillər Kollegiyasının (ARVK) tədbirlər planı çərçivəsində ARVK və Azərbaycan Respublikası Mediasiya Şurası vətəndaşlara ödənişsiz hüquqi yardım və mediasiya xidmətləri göstərəcək.

Kollegiyanın mətbuat xidmətindən BAKU.NEWS-a bildirilib ki, Sumqayıt Regional Vəkil Bürosunun vəkilləri ilə Sumqayıt 1 saylı Mediasiya təşkilatının mediatorları tərəfindən “Vəkillik və mediasiya xidmətinin praktiki məsələləri” mövzusunda dəyirmi masa keçirilməsi, o cümlədən vətəndaşlara ödənişsiz hüquqi yardım və mediasiya üzrə məsləhətlərin verilməsi nəzərdə tutulur.

Tədbir oktyabr 10-da, saat 10:00-da Sumqayıt şəhər Heydər Əliyev Mərkəzində baş tutacaq.

Eyni zamanda oktyabrın 12-də Bakı şəhər 12 saylı Vəkil Bürosu tərəfindən Naxçıvan Muxtar Respublikasının Vəkillər Kollegiyasının inzibati binasında və Gəncə şəhər 1 saylı Vəkil Bürosu tərəfindən isə Gəncə şəhəri, Cavadxan küçəsi, 53 ünvanında ödənişsiz hüquqi yardım aksiyası keçiriləcək.

Qeyd edilib ki, 2023-cü il “Heydər Əliyev İli” ilə əlaqədar Vəkillər Kollegiyası tərəfindən hər təqvim ayının 10-da vətəndaşlara ödənişsiz hüquqi yardım göstərilir.

Əlaqələndirici şəxs Vəkillər Kollegiyasının Hüquqi Yardım və Tədris Mərkəzinin direktor müavini Afət Qaziyevadır. Əlaqə nömrəsi: 012 594 99 85, 050 340 09 81.