Mediasiya fəaliyyəti təkminləşdirilir

Qəbələ 1 saylı Mediasiya Təşkilatının Qəbələ Regional Asan Xidmət mərkəzində yerləşən əsas ofisində bölgədə çalışan mediator, vəkil və digər mütəxəssislərin iştirakı ilə mediasiya fəaliyyətinin daha da yaxşılaşdırılması mövzusunda müzakirələr keçirilmişdir.

Qəbələ 1 saylı Mediasiya Təşkilatının rəhbəri Ədalət Əliyev görülən işlər, uğurlar və çatışmazlıqlar haqqında ümumi məlumat vermişdir.Sonra Təşkilatın direktor müavini, Göyçay rayonunda fəaliyyət göstərən mediator Akif Kərimov, Ağdaş rayonunda fəaliyyət göstərən vəkil-mediator Niyaz Ələkbərov, İsmayıllı, Oğuz və Qax rayonlarında fəaliyyət göstərən mediator Mehdi Hüryanov, mediator Günel Ağayeva, BMT-nin layihə eksperti, hüquqşünas Fəzli Məhyəddinov, vəkillərdən Mətanət Həsənova, Mehman Paşayev və başqaları mediasiya fəaliyyətinin təkminləşdirilməsi və daha da yaxşılaşdırılması istiqamətində fikirlərini bildirdilər, məsləhət verdilər.

Daha sonra müzakirələr digər özəl bir məkanda səmimi şəkildə davam etdirilmişdir.