https://www.innews.az/uploads/news/2023-08/_innews_0c746eec978f9f73eb46518ab_o.jpg
Nəinki biz, heç burada yaşayanların əksəriyyəti Göygöldə yaraltı bir “şəhər”in olduğu barədə məlumatlı deyil.
Göygöldə alman irsinin nümunələrini addımbaşı görmək mümkündür. Elə ilk fotoda olduğu kimi. “Lüteran” alman kilsəsi, digər unikal tikililər, evlər…
Gənclərin İnkişaf və Karyera Mərkəzinin rayon nümayəndəsi Raul Abbaszadə ilə öncə Göygöldə yaşamış sonuncu alman Viktor Klaynın evinə baş çəkdik. Qədim əşyalar, köhnə kitablar, kökdən düşmüş alman istehsalı piano, şərab çəlləkləri və s.
Və nəhayət… 1854-cü ildə Göygöldə yaşamış almanlar tərəfindən inşa olunan böyük zirzəmilər. Yeni aşkar olunan “yeraltı şəhər”ə köhnə dəmir pilləkənlərlə düşdük. Günəş altında havanın hərarəti 34-36 dərəcə olduğu halda bu əsrarəngiz məkanda 16 dərəcədə çox üşüdük. Amma bizi donduran daha çox məkanın sehirli ab-havası oldu. Əsasən şərab və konyak saxlamaq üçün inşa olunan “yeraltı şəhər”in ümumi sahəsi 1380 kvm-dir.
Hər bir zalın bir birinə keçidi var və tavanları çox hündürdür. Gələcəkdə “yeraltı şəhər” adı altında turizm məqsədilə istifadə olunması üçün artıq zəruri addımlar da atılır.
Əminəm ki, yerli turistlərlə yanaşı əcnəbi qonaqlarımızın da kütləvi axın edəcəyi bir məkan olacaq.
Elnur Niftəliyev
Ən son xəbərləri səhifəmizdən də izləyin
