Mediator Klubunun növbəti görüşü olub

Mediasiya Şurasının təşəbbüsü ilə mediatorlar arasında kommunikasiyanın gücləndirilməsi, mediatorların bir-birlərini daha yaxından tanıması və uğurlu mediasiya proseslərində birgə iştiraka dəstək məqsədi ilə Mediator Klubunun növbəti görüşü olub.

Mediator Klubunda mediatorlar, mediasiya təşkilatları öz töhfələri çərçivəsində iştirak etməklə, səhər yeməklərində bir araya gəlir, bir-birlərini daha yaxından tanıyır və təcrübədə rast gəlinən məsələləri birgə müzakirə edirlər.

Sayca 4-cü olan görüşlərin isə bu dəfəki fəxri qonağı Milli Məclisin deputatı Bəhruz Məhərrəmov və Azərbaycan Nar İstehsalçıları və İxracatçıları Assosiasiyasının İdarə Heyətinin sədri, KOBİA yanında İctimai Şuranın sədri Fərhad Qaraşov olmuşdur. Qonaqlar mediatorları maraqlandıran sualları cavablandırıb, mediatorların gündəlik fəaliyyəti zamanı qarşılaşdığı çətinliklər və mediasiya işlərinin perspektiv nəticələrini müzakirə ediblər.