Mediatorlara sertifikatlar təqdim olunub

Azərbaycan Respublikası Ədliyyə Nazirliyinin Ədliyyə Akademiyasında, Akademiya tərəfindən keçirilən "Mediatorların ilkin hazırlıq kursu" və “Mediatorların ixtisasartırma kursu”nu müvəffəqiyyətlə bitirmiş mediatorlara sertifikatlar təqdim olunub.

Sertifikatvermə mərasimində Mediasiya Şurası İdarə Heyətinin sədri Nadir Adilov və AR Ədliyyə Nazirliyinin Ədliyyə Akademiyasının prorektoru Elçin Xələfov iştirak edib.

Çıxış edən Nadir Adilov mediasiya sahəsində bu ilin 1-ci yarısına dair hesabatlardan və görülən işlərdən söz açıb.

Ədliyyə Akdemiyasının prorektoru Elçin Xələfov isə çıxış edərək mediatorlara gələcək fəaliyyətlərində uğurlar arzulayıb.