Mediatorların maliyyə savadlılığı artırılır

Mediasiya Şurası Maliyyə Mübahisələri Komitəsinin (MMK) layihəsi üzrə Azərbaycan Respublikasının Mərkəzi Bankı, Azerbaijan Micro-finance Association (AMFA) və Mediasiya Şurasının birgə əməkdaşlığı ilə mediatorların maliyyə savadlılığının, bank məsələləri ilə bağlı biliklərinin artırılması məqsədi ilə təşkil edilən təlimlər davam edir.

Bu gün baş tutan növbəti təlim Azərbaycan Mikromaliyyə Assosiasiyasının icraçı direktoru Jalə Hacıyeva və Müşahidə Şurasının sədr müavini Süleyman Kələşov tərəfindən keçirilib.

Təlimdə mediatorlar Azərbaycanda mikromaliyyə xidməti və qabaqcıl təcrübələr, kreditin əsas prinsipləri və mikromaliyyə məhsulu xidmətinin şərtləri ilə tanış olublar.