Qusar Mediasiya Təşkilatı Xaçmaz rayon Mərkəzi Xəstəxanasında görüş keçirib

23.06.2023-cü il tarixdə Qusar Mediasiya Təşkilatı Xaçmaz rayon Mərkəzi Xəstəxanasında görüş keçirib.

Görüşdə təşkilatın rəhbəri Radik Kazımov, təşkilatın Quba rayonu üzrə mediatorları Natiq Əzizov, Azər Əliyev, Xaçmaz rayonu üzrə mediator Novruz Əliyev, Xaçmaz rayon Mərkəzi Xəstəxanası Publik Hüquqi şəxsin direktor müavini Murad Həbibov, xəstəxananın həkimləri, tibb personalı və texniki işçiləri iştirak ediblər.

Görüşdə Radik Kazımov, Natiq Əzizov və Novruz Əliyev ölkədə mediasiyanın mahiyyəti və məqsədləri barədə iştirakçılara məlumat verib.

Daha sonra iştirakçıları maraqlandıran suallar cavablandırılıb və mediasiya haqqında təşkilatın maarifləndirici bukletləri iştirakçılara paylanılıb.

Qusar 1 saylı mediasiya təşkilatı görüş üçün yaratdığı şəraitə görə Xaçmaz rayon Mərkəzi Xəstəxanası Publik Hüquqi şəxsin direktoru Səyyaf Tağıyevə və Xaçmaz rayon Mərkəzi Xəstəxanası Publik Hüquqi şəxsin direktor müavini Murad Həbibova təşəkkürünü bildirib.