Mediasiya Şurası, Mərkəzi Bank və AFBİA arasında önəmli bir görüş keçirildi

5 iyun 2023-cü il tarixində Mediasiya Şurası Maliyyə Mübahisələri Komitəsinin (MMK) layihəsi üzrə Azərbaycan Respublikasının Mərkəzi Bankı, Azərbaycan Fond Bazarı İştirakçılarının Assosiasiyası İctimai Birliyi (AFBİA) və Mediasiya Şurası (Şura) arasında görüş keçirilmişdir.

Görüşdə AFBİA İdarə Heyətinin sədri Ceyhun Hacıyev, müavini Əli Hüseynli və assosiasiyaya daxil olan digər qurumların nümayəndələri, Mərkəzi Bank İstehlakçılarla iş departamentinin maliyyə xidmətlərinin istehlakçılarının hüquqlarının müdafiəsi şöbəsinin rəhbəri, Mediasiya Şurası MMK sədri Murad Məmmədov, Mərkəzi Bankın nümayəndələri İlham Hacızadə, Nərmin Hacızadə, Mediasiya Şurası İdarə Heyətinin sədri Nadir Adilov, mediatorlar Gülnar Həsənova, Sevda Məhərrəmova, Səbinə Həsənova və Vəli Vəliyev iştirak ediblər.

Görüş zamanı Mediasiya Şurası İdarə Heyətinin sədri Nadir Adilov Azərbaycanda mediasiyanın əsas fəaliyyət istiqamətlərindən və keçirilən mediasiya islahatları barədə məlumat verib. Həmçinin Ceyhun Hacıyev, Cəfər İbrahimov, Tələt Kalayev, Murad Məmmədov, Gülnar Həsənova, Sevda Məhərrəmova, Vəli Vəliyev çıxış etmişlər. Gələcəkdə maarifləndirmə məqsədli fond bazarı və mediatorlar arasında görüşlərin təşkili, birgə fəaliyyətin formalaşdırılması və bir çox qarşılıqlı əlaqələrin qurulması ilə bağlı təklif və tövsiyələr edilib, qarşılıqlı fikir mübadiləsi aparılıb.