"Mediatorların ixtisasartırma kursu"nu müvəffəqiyyətlə bitirmiş mediatorlara sertifikatlar təqdim olunub

01 iyun 2023-cü il tarixdə AR Ədliyyə Nazirliyinin Ədliyyə Akademiyasında, Akademiya tərəfindən keçirilən “Mediatorların ixtisasartırma kursu”nu müvəffəqiyyətlə bitirmiş mediatorlara sertifikatlar təqdim olunub.

Sertifikat təqdimetmə mərasimində Mediasiya Şurası İdarə Heyətinin sədri Nadir Adilov, Ədliyyə Akademiyasının prorektoru Elçin Xələfov, Elm və Tahsil Nazirliyi, Sabah qrupları layihəsinin İcra Komitəsinin rəhbəri Eldar Qocayev və Bakı Dövlət Universiteti Sosial iş kafedrasının müdiri Üzeyir Şəfiyev iştirak edib.

Çıxış edən N. Adilov qeyd edib ki, kurslar bundan sonra da davam edəcək və fəaliyyətini davam etdirmək niyyətində olan Şuraya üzv hər bir mediator Qanuna müvafiq olaraq bu kurslara cəlb olunacaqdır.

Qeyd etmək lazımdır ki, “Mediasiya haqqında” Qanuna və “Mediatorların hazırlığı və ixtisaslarının artırılması ilə bağlı təlim Qaydası”nın təsdiq edilməsi haqqında Azərbaycan Respublikası Nazirlər Kabinetinin 5 sentyabr 2019-cu il tarixli, 383 nömrəli Qərarına əsasən, hər bir mediatorun 32 saatlıq ixtisasartırma kurslarında iştirak etməsi mütləqdir.