https://www.innews.az/uploads/news/2023-03/_innews_1b2968d65b420b0616e236a45_o.jpg
“Ot Kökləri və İnsan Təhlükəsizliyi” üzrə Qrant Yardım Proqramı çərçivəsində “Daşkəsən rayonunun Xoşbulaq kəndində içməli su təchizatı obyektinin tikintisi planı” layihəsi üzrə qrant müqaviləsi imzalandı
3 mart 2023-cü il tarixində Yaponiyanın Azərbaycandakı səfiri Vada Cüniçi və “Daşkəsən rayonunun Xoşbulaq kəndində içməli su təchizatı obyektinin tikintisi planı” layihəsinin benefisiar təşkilat qismində çıxış edən “Gəncə Regional Qadın Mərkəzi” İctimai Birliyi arasında qrant müqaviləsi imzalanmışdır.
Bu layihənin əsas məqsədi Daşkəsən rayonunun Xoşbulaq kəndində içməli su təchizatı obyektinin (su toplama nöqtəsi (1 ədəd), su anbarı (1 ədəd), su borusu (6,148 metr), 3 paylayıcı, 4 bulaq (tap-stand) ilə təmin olunmuş su sistemini inşa edilməsi olub, kəndin su sisteminin vəziyyətinin yaxşılaşdırılması ilə yerli əhalinin gündəlik həyat və gigiyenik şəraitinin yaxşılaşdırılmasına nail olmaq nəzərdə tutulur. İnşa olunacaq su sisteminin 4 bulağından ikisi kəndin tibbi məntəqəsi və məktəb ərazisində yerləşdiriləcək. Bu layihə icra edildikdən sonra, su təchizat sisteminin dayanıqlı idarə edilməsini təmin etmək üçün Xoşbulaq kəndi bələdiyyəsinə ötürüləcək. Bu layihənin inşası, avadanlıqların alınması, texniki dəstəyi üçün Yaponiya höküməti 85,821ABŞ dolları (təqribən 145,038AZN) məbləğində qrant ayırmışdır.
Bu gün imzalanmış müqavilə də daxil olmaqla, Azərbaycanda “Ot Kökləri və İnsan Təhlükəsizliyi” üzrə Qrant Yardım Proqramı çərçivəsində bu günədək cəmi 285 qrant müqaviləsi imzalanıb və bu müqavilələrin ümumi qrant məbləği 24,070,000 ABŞ dollarını (40,680,000 AZN) keçir.
“Ot kökləri və İnsan Təhlükəsizliyi Qrant yardımı” proqramı Azərbaycan əhalinin sosial rifahının yaxşılaşdırılması məqsədi ilə, bilavasitə yerli əhalinin bəhrələnəcəyi nisbətən kiçik miqyaslı layihələrin həyata keçirilməsi üçün nəzərdə tutulan iqtisadi yardım proqramıdır. Bu günədək təhsil, səhiyyə, ictimai sağlamlıq sahəsinin inkişafına yardım prioritet xarakter daşımışdır. Bu yardımla bağlı yerli bələdiyyə və icra hakimiyyəti orqanları, qeyri-hökumət təşkilatları, təhsil, səhiyyə orqanları və digər qeyri-kommersiya qurumları Yaponiyanın Azərbaycandakı Səfirliyinə müraciət edə bilərlər.
Ən son xəbərləri səhifəmizdən də izləyin
